మలబద్ధకం సమస్య నివారించండి!

Baby

oi-Nageswara

By B N Sharma

Published: Thursday, February 23, 2012, 15:34 [IST]

ప్రతిరోజూ పిల్లలు పక్క తడిపేస్తున్నారంటే సమస్య వారి మూత్రాశయంతో కాకపోవచ్చు. మలబద్ధకం కూడా తరచుగా పిల్లలు రాత్రులందు నిద్రలోనే వారికి తెలియకుండా మూత్రాన్ని వదిలేయటం జరుగుతుంది. వేక్ ఫారెస్ట్ బాప్టిస్ట్ మెడికల్ సెంటర్ రీసెర్చర్లు సుమారు 30 మంది పిల్లలు, అయిదు సంవత్సరాలనుండి 15 సంవత్సరాల వయసులోపలి వారిపై చేసిన చేసిన పరిశోధనలో పిల్లలు పక్క తడపటమనేది వారి పురీష ద్వారం లేదా గుదము వద్ద అధికమైన మలం నిండివుండటంతో కూడా జరుగుతోందని తేలింది.

వీరందరికి విరేచనాలు అయ్యేటందుకు మంచి మందులు ఇవ్వడంతో సుమారు 25 మంది పిల్లలు సరిగ్గా మూడు నెలల కాలంలో పక్కతడపటం సమస్యనుండి విముక్తులయ్యారని జర్నల్ యూరాలజీ అనే పత్రిక ఒక వ్యాసంలో పేర్కొంది. గుద స్ధానంలో అధిక మలం చేరుకుంటే అది మూత్రాశయ పరిమాణాన్ని తగ్గిస్తుందని ఆ కారణంగా మూత్రం నిలువ వుండలేక నిద్రలో వారికి తెలియకుండానే బయటకు వచ్చి పక్క తడిపేస్తుందని పరిశోధన నిర్వహించిన అసిస్టెంట్ ప్రొఫెసర్ స్టీవ్ జె హోడ్జస్ వెల్లడించారు.

తల్లి తండ్రులు తమ పిల్లల విషయంలో అన్ని రకాల ప్రయత్నాలు చేస్తారని, అయితే ఈ రకమైన నిద్రలో పక్క తడిపే సమస్యకు మూలకారణం మలబద్ధకమని గుర్తించరని కనుక పిల్లల బెడ్ వెట్టింగ్ సమస్య వున్న వారు ముందుగా వారి మలబద్ధకానికి మందులు వాడి పరిష్కరించుకోవాలని పరిశోధకులు పేర్కొన్నారు. బిడ్డకు మలబద్ధకం వున్నదనే విషయం బిడ్డగాని లేదా బిడ్డ తల్లితండ్రులుగాని సాధారణంగా గుర్తించకపోవటంతో ఈ సమస్య వస్తోందని, వారు పరిశోధనలో తీసిన ఎక్స్ రేలలో పిల్లల గుద స్ధానంలో అధిక మలం పేరుకొని వుండటం, అది మూత్రాశయంకు అడ్డంకి కలిగించటం జరిగిందని తెలిపారు.