పాలు పడితే స్తనాల పటుత్వం తగ్గుతుందా?

Baby

oi-Nageswara

By B N Sharma

Published: Monday, February 20, 2012, 15:34 [IST]

బిడ్డ పుట్టిన తర్వాత బిడ్డకు తన పాలు ఇవ్వాలా? వద్దా? ఇస్తే తన స్తనాల రూపం మారిపోతుందా? అవి మరింత వేలాడి మరోమారు పూర్వరూపం సంతరించుకోవటం కష్టమవుతుందా? పాలు ఇవ్వకుండా వుంటే అవి తనకేమైనా శరీరంలో హాని కలిగిస్తాయా? వంటి ప్రశ్నలు సహజంగా కొత్తగా ప్రసవించిన కొంతమంది తల్లులకు కలుగుతూంటాయి. తల్లి తన పాలను పుట్టిన బిడ్డకు పట్టటమనేది సహజంగా ప్రకృతి ఏర్పరచిన ధర్మంగా భావించాలి. బిడ్డకు తన పాలను పట్టడం ద్వారా తల్లి ఆ బిడ్డతో ఒక అనుబంధాన్ని ఏర్పరచుకుంటోంది. అంతేకాక తల్లిపాలు బిడ్డకు శ్రేష్టం.

అపుడే పుట్టిన బిడ్డకు తల్లిపాలను మించిన ఆహారం సాటి వేరేదీ లేదనే చెప్పాలి. చాలామంది తల్లులు, స్తనాలలో మొదటగా వచ్చే చిక్కటి ద్రవంలా వుండే పాలు బిడ్డకు పట్టరాదని భావిస్తారు.బిడ్డ పుట్టిన వెంటనే తల్లి స్తనాలలో ఏర్పడే ముర్రు పాలను సైతం బిడ్డకు పట్టి బిడ్డ రోగ నిరోధక వ్యవస్ధను బలపరచాలి.

బిడ్డకు ఇతర పాలు పట్టినప్పటికి, వాటికారణంగా బిడ్డ అనేక ఆరోగ్య సమస్యలను ఎదుర్కొనాల్సి వస్తుంది. సహజంగా అపుడే ప్రసవించిన స్త్రీ తన బిడ్డకు పాలనివ్వటానికిగాను బిడ్డకు కొద్దిపాటి శిక్షణ కూడా ఇవ్వాలి. అవసరపడితే, ఈ అంశంలో ఆమె అనుభవజ్ఞుల నుండి శిక్షణ పొందాలి. పాలు పట్టినందువలన తల్లికి ఆరోగ్యమే. పట్టకపోతేనే సమస్యగా వుంటుంది. బిడ్డకు పాల అవసరం తీరిన తర్వాత తగిన వ్యాయామాల ద్వారా మరోసారి తల్లి తగిన ఫిట్ నెస్ పొందే అవకాశం వుంటుంది.