బిడ్డ నిద్రించే ఊయల... ప్రమాదాలు....?

By B N Sharma

Published: Wednesday, June 13, 2012, 8:53 [IST]

పిల్లలకవసరమైన ఏర్పాట్లు, అంటే వారి బట్టలు, బొమ్మలు, ఊయల మొదలైనవన్నిబేబీ ఇంటిలోకి రాకుండానే ముందస్తుగా ఏర్పరచుకోవాలి. బిడ్డ తల్లి గర్భంలో వున్నంత కాలం అన్ని ప్రమాదాలనుండి సురక్షితంగా వుంటుంది. ఒక్కసారి గర్భంలోనుండి బయటి ప్రపంచంలోకి అడుగిడితే చాలు హాని కలిగించే అనేక సంఘటనలకు గురవుతుంది. ఈ ప్రమాదాలు బేబీ ఉండే ప్రదేశాన్నిబట్టి, వాతావరణ పరిస్ధితులను బట్టి పొంచి వుంటాయి. ఆమె నిద్రించే ఊయల సైతం ప్రమాదాన్ని తెచ్చిపెట్టవచ్చు. బిడ్డల మరణాలు చాలా వరకు ఊయల కారణంగా కూడా జరుగుతాయి. కనుక మీ బిడ్డ ఊయల సరిగ్గా వుందా? లేదా అనేది పరిశీలించటానికి సమయం వెచ్చించటం ఎంతో ప్రయోజనకరమే. అవసరమనుకుంటే ఊయల వేలాడతీసే గొలుసులు, లేదా తాళ్ళు వంటివి ప్రతిరోజూ పరిశీలించండి. ఊయలను ఇంటిలో ఎల్లపుడూ నలుగురూ తిరిగే ప్రదేశంలో లేదా మీ కంటి చూపు మేరలో వుండేలా జాగ్రత్తపడండి.

1. ఊయల అమర్చే ముందు దానిపైగల తయారీదారుల సూచనలు చదవండి. దానిని మీరు బిగించవద్దు. నిపుణుడైన పనివారిని పిలిచి బిగించండి. అయితే, అదనంగా మీరు దాని నట్టులు, బోల్టులు వున్నాయో లేదో జాగ్రత్తగా పర్యవేక్షించండి.

2. చెక్క ఊయల కొటే, దానికి బీటలు, మేకులు లేవని నిర్ధారించుకోండి. పెయింట్ బాగుందని నిర్ధారించుకోండి.

3. ఊయలలో వేసే మేట్రస్ ఎక్కువ మెత్తగా వుండరాదు. మెత్తదనం అధికమైతే బేబీ అసౌకర్యం భావిస్తుంది. లేదా జారిపోవటానికి అవకాశం వుంది. బేబీకి అధికంగా దీనివలననే ప్రమాదాలు జరుగుతాయి.

4. ఊయలకుగల కోళ్ళ మధ్య దూరం 6 సెంటీమీటర్లకంటే ఎక్కువ వుండరాదు. ఎక్కువ వుంటే బేబీ తల వాటిలో ఇరుక్కునే ప్రమాదం వుంది.

5.ఇంటిలో వున్న పాత ఊయలలు వీలైనంతవరకు బేబీలకు ఉపయోగించవద్దు. బహుశ వాటిని సీసంతో తయారు చేస్తే బేబీకి హాని కలుగవచ్చు.

6. ఊయలకు రెండు లేదా మూడు అదనపు హుక్ లను సైడ్ రెయిల్స్ కు వుండేలా చూడాలి. ఒకటే వుంటే బేబీ కొంచెం పెద్దదైందంటే చాలు తీయటానికి ప్రయత్నిస్తుంది.

7. ఆడుతుంది కదా అని ఊయలలో బొమ్మలు ఎక్కువ పెట్టకండి. బేబీ గాలి ఆడక ఇబ్బంది పడుతుంది.

8. ఊయలలో పక్కల మందపాటి బట్ట లేదా చిన్నసైజు దిండు వంటివి పెడితే బేబీ కదిలినపుడు పెద్దగా ప్రమాదం లేకుండా వుంటుంది.

కాబోయే తల్లితండ్రులు బేబీ ఊయలపై ఈ రకం జాగ్రత్తలు తీసుకోవాలి.