చిన్న పిల్లలకు...చిన్న, చిన్న వ్యాయామాలు!

Baby

oi-Nageswara

By B N Sharma

Published: Friday, July 6, 2012, 14:31 [IST]

పిల్లలు ఎంతో ఉత్సాహంగా ఉంటారు. బిడ్డలు పాకటం మొదలు పెట్టారాంటే, ఇక వారిని ఎవరూ నియంత్రించలేరు. నాన్ స్టాప్ గా తిరుగుతూనే ఉంటారు. అయితే, ప్రతి తల్లి కూడా తన పిల్లవాడికి ప్రతిరోజూ కొంత శారీరక మర్దన చేయాలి. చేతితో నూనె మర్దన చేస్తే అది బిడ్డ ఎముకలు బలంగా ఉండేలా చేస్తుంది శరీర ఎదుగుదలకు దోహదం చేస్తుంది. బిడ్డ కాళ్ళు, చేతులు బలంగా ఉండాలంటే, మీరు వివిధ రకాల వ్యాయామాలు వారికి చేయాలి.ప్రతి తల్లి బిడ్డకు ప్రతిరోజూ తప్పక మసాజ్ చేయాలి. చేతిలో కొద్దిగా నూనె వేసి సున్నితంగా బిడ్డ పొట్ట, వీపు, మెడ, చేతులు, కాళ్ళు పాదాల వంటివి మర్దన చేయాలి. బలమైన ఎముకలు బిడ్డను వ్యాధులబారినుండి కాపాడాయి. వ్యాయామం బిడ్డ ఎదుగుదలకు ప్రధానం. ఒక తల్లి తన బిడ్డకు తేలికైన రీతిలో వ్యాయామాలు ఎలా ఆచరించాలనేది పరిశీలించండి.

బిడ్డలకు తేలికైన వ్యాయామాలు
నడక - ప్రతిరోజూ సాయంత్రం మీ బిడ్డతో వాకింగ్ కు వెళ్ళండి. బిడ్డ ప్లే స్కూల్ నుండి రాగానే అతనికి కొంచెం విశ్రాంతినివ్వండి. సాయంత్రం వేళ నడక ఆచరింపచేయండి. తల్లి పిల్ల ఇరువురికి దీనివలన ప్రయోజనం ఉంటుంది. నడకలో రక్తప్రసరణ అధికమవుతుంది.

క్యాచ్...క్యాచ్ - పిల్లలకు దొర్లిపోయే రంగు రంగుల బంతి అంటే ఇష్టం. పిల్లలు ...బేబీ లేదా పిల్లవాడిదశలో ఉన్నప్పటికి దొర్లిపోయే బంతిని పట్టుకోవటానికి ఎంతో ఉత్సాహం ప్రదర్శిస్తారు. కనుక,ఈ వ్యాయామం మీ బిడ్డతో తప్పక ప్రయత్నించండి. మీరు ఉద్యోగస్తులైవుండి, ప్రతిరోజూ బయటి నడకకు సమయం కేటాయించలేకుంటే, కనీసం వారానికోసారి అయినా దీనిని పాటించండి.

శరీర భాగాలు నేర్పటం - ఇది శారీరక వ్యాయామం కాదు కాని, మానసిక వ్యాయామం. పిల్లవాడి మెమొరీ అధికం కావటానికి శరీర భాగాల పేర్లు నేర్పి వారిని చూపించమనండి. పిల్లలకు మంచి నాలెడ్జి మరియు బలమైన మెమొరీ వస్తుంది.

ఎగరటం దొర్లటం - మీ బిడ్డను ఎగరటం, మీతోపాటు దొర్లటం చేయించండి. పిల్లవాడి శరీరం బాగా సాగటం, వంగటం, అవుతుంది. అతని జాయింట్లు చాలా సరళమై శరీర ఎదుగుదలకు తోడ్పడుతుంది.

మిమిక్రీ - మీ బిడ్డను ఒక జంతువు చేసే ధ్వని అనుకరించమనండి. ఉదాహరణకు, ఒక కుక్క ఏమంటుంది...భౌ, ఒక పిల్లి ఏమంటుంది మ్యావ్ వంటివి వారితో అనిపించాలి. అతనికి బాగా ఇష్టమైన కార్టూన్ సినిమాలోని వ్యక్తులను అనుకరించమని తెలుపండి.

ఈ కొద్ది రకాల వ్యాయామాలు మీ పిల్లవాడితో చేయించండి. అతనికి శారీరక, మానసిక వ్యాయామం చేకూరుతుంది. కొన్ని మానసిక ఆటలు ఆడించండి. లెక్కలు పెట్టటం, బొమ్మలు గుర్తుపట్టటం చేయించండి. అతను పెద్దవాడయ్యే సరికి శారీరకంగా, మానసికంగా బాగా అభివృధ్ధి చెందుతాడు. మీ పిల్లాడిని ఇతర పిల్లలతో చేర్చి ఆడమనండి. అదే వయసు వారితో కలపాలి. మీరు కనుక బిజీగా వుంటే, ఇతర స్నేహితులతో గడపమనండి. అపుడు మీ బిడ్డ ఎంతో ఉత్సాహంగా, చురుకుగా ఉంటుంది.