పిల్లల బాగోగులు చూడాలంటే.... !

By B N Sharma

Published: Monday, January 2, 2012, 13:21 [IST]

నేటి నగర జీవనం వేగవంతంగా సాగిపోతోంది. ఎక్కడ చూసినా న్యూక్లియర్ కుటుంబాలే. కుటుంబంలో ఇద్దరు లేదా ముగ్గురు మాత్రమే. పిల్లలను సాకే వారు లేరు. తల్లితండ్రులు తమ సామాజిక ప్రమాణాలు కాపాడుకోవటం కొరకు, ఆర్ధిక ఉన్నతికి, వివిధ రకాల వృత్తులు, వ్యాపారాలు ఆచరిస్తున్నారు. ఈ ప్రక్రియలో పిల్లలను అశ్రధ్ధ పరచటం కూడా జరుగుతోంది. మరి ప్రతి ఒక్కరికి పిల్లలు కావలసిందే. వారంటే ఇష్టమే. కాని పెంపకానికి సమయం వుండదు. సరిగ్గా ఇక్కడే ప్రతి కుటుంబానికి ఒక నానీ లేదా ఆయా అవసరం వుంటోంది. మరి పిల్లాడికి ఒక నానీ ని ఏర్పాటు చేసేముందు అసలు ఆమె ఏమి చేస్తుందనేది గ్రహించండి.

నానీ....పిల్లాడి పెంపకం పట్ల పిల్లాడి ఇంటిలోనే జాగ్రత్తలు తీసుకుంటుంది. మీ పిల్లాడికి సహచరిగా వ్వహరిస్తుంది., ఒక కేర్ టేకర్, విద్యావేత్త, లేదా ఒక సలహాదారుగా కూడా వ్యవహరిస్తుంది.
ప్రస్తుతం నానీ లు రెండు రకాలుగా లభ్యమవుతున్నారు. కొందరు పిల్లాడితోపాటు మన ఇంట్లోనే వుండి వాడి బాగోగులు చూడటం కాగా మరొకరు పార్ట్ టైం గా మీ ఇంటికి వచ్చి పిల్లాడి బాగోగులు చూసి మీరు ఉద్యోగంనుండి తిరిగి వచ్చే సరికి ఇల్లు వదిలి వెళ్ళిపోతారు.

నానీ కొరకు గాను, మీ ప్రాంతంలో విచారించటం లేదా పేపరు ప్రకటన ఇవ్వటం వంటివి చేయాలి. నియామకం చేసేటపుడు నానీ కి గల బ్యాక్ గ్రౌండ్ బాగా విచారించండి. ఆమె అనుభవం, నేర్పు మొదలైనవి మీకు బాగా తెలియాలి. మీరు ఆమెనుండి పిల్లాడి పట్ల ఏమి ఆశిస్తున్నారనేది తెలుపండి. పిల్లాడి భోజనం, లాండ్రీ, రూమ్, ఆటపాటలు మొదలైనవి చర్చించి ఆమె జీతం నిర్ణయించండి.
నానీ పిల్లాడికి మంచి స్నేహిత అయినప్పటికి అప్పుడప్పుడు నానీ పిల్లాడిపట్ల ఎలా ప్రవర్తిస్తోందనేది చెక్ చేస్తూ వుండండి. ఆమె చాలా ప్రాధాన్యమైనదని, సాధారణ సర్వెంట్ వంటిది కాదని గ్రహించండి.

Comments

Story first published: Monday, January 2, 2012, 13:21 [IST]

Latest Updates

Hire a Nanny For Your Kid! | ఆయా అవసరం ఎంత?