పిల్లలలో డయాబెటీస్ కనుగొనడమెలా?

Baby

oi-Nageswara

By B N Sharma

Published: Friday, May 18, 2012, 12:05 [IST]

డయాబెటీస్ వ్యాధి చాలా ప్రమాదకరమైనది. అతి త్వరగా శరీరంలో అనారోగ్యాలను వ్యాపింపజేస్తుంది. దానిని కనిపెట్టటం కష్టం. సమయానికి కనిపెట్టకపోతే పిల్లలకు ఎంతో నష్టం కలిగిస్తుంది. ఆ నష్టం ఎటువంటిదంటే, బిడ్డ చూపు మందగించవచ్చు, కిడ్నీ సమస్యలవంటివి రావచ్చు. పెద్దలలో అయితే, బ్లడ్ షుగర్ స్ధాయి అధికంఅవుతుంది. కాని బేబీలలో ఇది కనుగొనటం చాలా కష్టం. డయాబెటీస్ లక్షణాలు, అలసట, తరచుగా మూత్రం రావటం, దాహం బాగా అవటం వంటివి పిల్లలలో వుంటాయి. అయితే పిల్లలు ఇవి తెలుపలేరు కనుక తల్లితండ్రులు వాటిని కనిపెట్టాలి. మీ బిడ్డకు డయాబెటీస్ లేదని నిర్ధారించుకోవాలంటే, బ్లడ్ షుగర్ పరీక్షలు మీ బిడ్డకు చేయించాలి.

1. దాహం - బేబీ దాహం వేస్తోందని తెలుపలేదు. కనుక మీరే తెలుసుకోవాలి. ప్రతిరోజూ మీ బిడ్డ ఎన్ని నీళ్ళు, ద్రవాలు తాగుతోందనేది గమనించి వేరే పిల్లల రికార్డుతో పరిశీలించండి. వ్యత్యాసం అధికంగా వుంటే, మరిన్ని పరీక్షలు చేయించండి.

2. తరచుగా మూత్రం పోయటం - బిడ్డలు ఎంత తరచుగా మూత్రం పోస్తారనేది చెపటం కష్టం. ముందుగా వారికి శిక్షణ లేదు కనుక వారు ఎపుడూ పోస్తూనే వుంటారు. అయితే, రోజుకు డయాపర్లు ఎన్ని వాడుతున్నారనేది కూడా గమనించండి.

3. వేగంగా బరువుతగ్గటం - బేబీలలో ఇది గమనించటం కూడా కష్టమే. చాలామంది పిల్లలు చిన్నతనంలోనే బరువును త్వరగా కోల్పోతూంటారు. కాని మీ బిడ్డ కనుక బాగానే ఆహారంతీసుకుంటూ చురుకుగా లేకుండా బరువు కోల్పోతుంటే డయాబెటీస్ కొరకు పరీక్షలు చేయించండి.

4. అలసట, బలహీనత - సాధారణంగా బేబీలు ప్రతి రెండు మూడు గంటలకు నిద్రిస్తారు. ఆ నిద్ర దీర్ఘంగా కొనసాగుతూంటే పరీక్ష చేయించండి. బేబీ ఆడటానికి ఇష్టపడకపోయినా, అధికగంటలు నిద్రిస్తున్నా రోగనిరోధకత సరిలేకున్నా, డాక్టర్ వద్ద సలహా సంప్రదింపులు పొందండి.

5. మానని గాయాలు - పిల్లాడికి తగిలిన చిన్నపాటి దెబ్బలు, కోతలు, పుండ్లు వంటివి తగ్గటానికి అధిక సమయం పడుతూంటే, అది డయాబెటీస్ కావచ్చు. కనుక పరీక్ష జరిపించండి.

పిల్లలలో డయాబెటీస్ సాధారణంగా టైప్ వన్ గా వుంటుంది. అంటే వీరిలో పాన్ క్రియాస్ గ్రంధి ఇన్సులిన్ ఉత్పత్తి చేయదు. శిశుదశలో బ్లడ్ షుగర్ వచ్చే కారణాలలో ఇది ప్రధానం. దీనికిగాను పరిష్కారంగా ఇన్సులిన్ బయటనుండిఇంజెక్షన్లద్వారా తీసుకుంటూ, షుగర్ తక్కువ తీసుకుంటూ నియంత్రించాలి. రెగ్యులర్ గా ప్రతి నెలా పిల్లలలో బ్లడ్ షుగర్ పరీక్షలు చేయించాలి.

మీ పిల్లలలో డయాబెటీస్ వుందా అనే అనుమానాలను పోగొట్టుకోటానికి ఈ చర్యలు పాటించండి. వారి భవిష్యత్తును కాపాడండి.