తల్లిపాలు శిశువుకు అందక పోతే...?

Baby

oi-Nageswara

By B N Sharma

Published: Monday, March 26, 2012, 13:09 [IST]

తల్లి పాలు తాగే శిశువుకు ఎటువంటి ఇన్‌ఫెక్షన్లు రావు. కొందరు తల్లులకు సరిగ్గా పాలురావు. అటు వంటి వారు వచ్చినంత మేరకు తల్లి పాలిచ్చి దాని తర్వాత తక్కువ పడితే బాటిల్‌తో పాలు పట్ట వచ్చు. ఇక తల్లి అస్సలు పాలివ్వకపోతే శిశువుకు మోకాళ్లు వంకరతిరగడం వంటి సమస్యలు ఏర్పడే అవకాశం వుంది. శిశువు తల్లిపాలు తాగుతూ వుంటే వైరస్‌ ఇన్‌ఫెక్షన్స్‌, అలర్జీ మొదలైన శిశు సంబంధిత వ్యాధులు రాకుండా ఉంటాయి.

ఈ పాలల్లో ప్రొటెక్టివ్‌ యాంటీబాడీస్‌ ఉంటాయి. దీంతో శిశువులో వ్యాధి నిరోధక శక్తి పెరుగుతుంది. బిడ్డ ఆకలితో ఏడ్చిన వెంటనే సులభంగా తల్లి తన పాలివ్వవచ్చు. అదే డబ్బా లేదా గేదె పాలివ్వడానికి సమయం పడుతుంది. బ్రెస్ట్‌ ఫీడింగ్‌ చేస్తుంటే స్ర్తీలకు వెంటనే ప్రెగ్నెన్నీ రాకుండా ఉంటుంది. పాలివ్వడం మూలంగా తల్లిలో అప్పటికి పెద్దదిగా వున్న గర్భాశయం తిరిగి మామూలు సైజుకు చేరుకుంటుంది.

మొదటి కాన్పు జరిగే గర్భిణులకు బిడ్డకు పాలిచ్చే విషయంలో ముందుగానే మానసికంగా సిద్ధం చేయాలి. ఏడు నెలల గర్భంతో ఉన్నప్పుడే, వారికి పుట్టిన శిశువుకు వెంటనే పాలివ్వాలని చెప్పాలి. దీ నివల్ల ఆమెలో ఉన్న అపోహలను తొలగించేందుకు ప్రయ త్నించాలి. బిడ్డకు పాలిచ్చే బ్రెస్ట్‌ నిపుల్‌ను కరెక్ట్‌గా ఉండేటట్టు చూసుకోవాలి. నిపుల్‌ వెనక్కి ఉంటే పుట్టిన బిడ్డ పాలు తాగేందుకు ఇబ్బందులు ఎదుర వుతాయన్న విషయాన్ని దృష్టిలో పెట్టుకొని దీన్ని సరి చేయాలి. పాలిచ్చేటప్పుడు నిపుల్‌ చుట్టూ శు భ్ర పర్చుకోవాలని తల్లులకు చెప్పాలి.