కొత్తగా పుట్టిన పాపాయి నిద్రించటంలేదా?

అయితే, బేబీకి కనుక ఏ మాత్రం అసౌకర్యం కలిగినా రాత్రులందు ప్రతి గంటకు నిద్ర లేస్తూనే వుంటుంది. నాలుగు నెలలు నిండితే బేబీ రాత్రులలో 6 నుండి 8 గంటలు నిద్రిస్తుంది. 6 నెలలు వచ్చేటప్పటికి 10 నుండి 12 గంటలు నిద్రిస్తుంది. వీరు గాఢ నిద్ర నుండి తేలిక నిద్రకు మారుతూంటారు కనుక అనేక మార్లు లేస్తారు. ఈ వయసు పిల్లలలో చాలామంది బేబీలు రాత్రులలో కనీసం ఒకసారైనా నిద్ర లేస్తారు.

వీరికి 9 నెలలు వచ్చేవరకు ఇలానే వుంటుంది. కొంతమంది పిల్లలు వారంతటవారే మరల నిద్రిస్తారు. కొంతమందికి మరల నిద్రించేందుకు తల్లితండ్రుల సహాయం అవసరమవుతుంది. ఒక సంవత్సరం వయసు వచ్చేసరికి చాలా మంది పిల్లలు రాత్రి పూర్తిగా ఒకే పెట్టున 10 నుండి 12 గంటలవరకు కూడా నిద్రిస్తారు. ఈ రకంగా ఒకేసారి వరుసగా 10 నుండి 12 గంటలు రాత్రులందు శిశువు నిద్రించాలంటే వీరికి వీలైనంతమేరకు ఇతర ధ్వనులు లేదా అసౌకర్యం లేకుండా కూడా చూడాలి.