మీ బేబీ అందంగా వుండాలంటే ఎలా అలంకరించాలి?

Baby

oi-Nageswara

By B N Sharma

Published: Monday, May 14, 2012, 10:04 [IST]

తనకు పుట్టిన బేబీ అందంగా వుండాలని, ఆమె స్వంతంగా అలంకరించాలని ప్రతి తల్లికి వుంటుంది. చిన్ని చిన్ని రంగు రంగుల దుస్తులు, తలపై వెంట్రుకలు ఎంత తక్కువున్నప్పటికి వాటిని చక్కగా దువ్వటం మొదలైనవి చేసి బేబీ చూపులకు అందంగా కనపడేట్లు చేసి ఆనందిస్తుంది. బేబీని శుభ్రంగా, ఆరోగ్యంగా వుంచటానికి కూడా ప్రయత్నిస్తుంది. మరి బేబీ అలంకరణ బాగా వుండాలంటే, కొన్ని చిట్కాలు చూడండి.

బేబీ అలంకరణలో ప్రాధమికతలు
తల వెంట్రుకలు - మీ బేబీకి కొత్తరకం విధానాలు ఆచరించి తల దువ్వవండి. కొత్తగా వుంటుంది. సాధారణంగా పోనీ టెయిల్ వేసి ఒక రిబ్బన్ కట్టేస్తారు. బేబీలకు కొత్తగా వస్తున్న హెయిర్ క్లిప్ లవంటివి పెట్టండి. మగపిల్లవాడైతే, తలకు ఒక టోపీ పెట్టండి. బేబీ జుట్టుకు టియర్ ఫ్రీ షంపూ వాడండి. తల కడిగేటపుడు బేబీ ఏడ్వకుండా వేరే విషయాలను చెపుతూ కడగండి. జుట్టును బిగువుగా కట్టవద్దు. అది పెరుగుదలను అరికడుతుంది.

దుస్తులు - బేబీలు ఆకర్షణీయంగా వుండాలంటే వారికి కొత్త కొత్త డిజైన్ల దుస్తులు వేయాలి. మహిళ గర్భవతిగా వున్నపుడే తన బేబీకి ఏ రకమైన అలంకరణ చేయాలి? అనే అంశమై ఎన్నో పధకాలు వేస్తుంది. ఆమె చేతులకు, కాళ్ళకు మెత్తటి ఊలుతో సాక్స్ వంటివి అల్లి తయారు చేస్తుంది. బేబీ శరీరానికిస్వెట్ట్ ర్ తయారు చేస్తుంది.

సాక్స్ - రంగు రంగుల సాక్స్ వేస్తే బేబీ ముద్దుగా కనపడుతుంది. బేబీ రంగు రంగుల సాక్స్ వేసి పడుకునికాళ్ళు ఆడిస్తుంటే చాలాబాగుంటుంది. సాక్స్ పై కార్టూన్లవంటివి వుంటే మరింత ఆకర్షణీయం.

బేబీ షూస్ - బేబీలకు వేసే బూట్లు, సన్నపాటివైనా లేదా లావుపాటివైనా సరే మంచి అలంకరణగా వుంటాయి. నడిచే పిల్లలు అయితే, వాటికి మ్యూజిక్ లేదా లైట్లు వచ్చే ఏర్పాటు వుంటుంది. బేబీ అడుగు వేస్తే చాలు, చక్కటి మ్యూజిక్ లేదా రంగుల లైట్లు వెలుగుతాయి.

ఈ అలంకరణ చిట్కాలతో మీ బేబీ మరింత అందంగా ఉండేలా చేయండి.