పసిపిల్లల పెంపకంపై కొన్ని అపోహలు!

Baby

oi-Nageswara

By B N Sharma

Published: Saturday, April 28, 2012, 10:37 [IST]

పిల్లల పెంపకం జాగ్రత్తలపై కొన్ని అపోహలుంటాయి. ఇవి సాధారణంగా ఎప్పటినుండో ఆచారంగాను, సంప్రదాయంగాను పెద్దలనుండి ఒకరికొకరికి వస్తూనే వున్నాయి. మరి కొన్ని మనం మన పిల్లల ప్రత్యేకతకొరకు ఏర్పరుస్తూ వుంటాం. నేటి అవన్ని కొన్ని అపోహలుగా చేరి కొనసాగుతున్నాయి. అయితే పసిపిల్లల విషయంలో ఏ తల్లి కూడా ఎటువంటి వెసులుబాటుకు అంగీకరించదు. మరి మీ బేబీ పట్ల సవ్యమైన జాగ్రత్తలు తీసుకోవాలంటే కొన్ని అపోహలు తొలగించుకోండి.

బేబీల పెంపకంపై కొన్ని అపోహలు -
1. బిడ్డ పుట్టిన మూడు రోజులవరకు తల్లిపాలు ఇవ్వరాదు. ఇది వాస్తవం కాదు. పాలు పట్టకపోతే బిడ్డకు ప్రమాదం కూడాను. డెలివరీ తర్వాత మహిళకు స్తనాలలో తెల్లటి ద్రవం వస్తుంది. దీనిని ముర్రుపాలు అంటారు. వీటిని బిడ్డకు తప్పక తాగించాలి. బిడ్డకు మంచి రోగనిరోధక వ్యవస్ధ శరీరంలో ఏర్పడి భవిష్యత్తులో వ్యాధులు రాకుండా వుంటాయి.

2. మా బిడ్డ కళ్ళు నీలిరంగులో ఎంతో బాగున్నాయి అంటారు బిడ్డపుట్టిన వెంటనే. కాని ఇది వాస్తవంకాదు. శిశువు కు కార్నియా పూర్తిగా ఏర్పడకపోవటంతో కళ్ళు ఈ రంగు వుంటాయి. కార్నియా డెవలప్ అయిందంటే బేబీ కళ్ళు షుమారుగా 6 నెలల కాలంలో తమ స్వంత రంగును సంతరించుకుంటాయి.

3. మా బేబీకి ఆయిల్ మసాజ్ కావాలి అనుకుంటారు. అవసరంలేదు. బేబీకి చిన్నతనంలోనే నూనె గ్రంధులు ఏర్పడవు. కనుక మీరు పెట్టే నూనె అనవసరం. వాస్తవానికి మీరు పెట్టే నూనె చర్మం కణాలు పీల్చుకోలేవు.

4. ఎండలో బేబీ ని వుంచితే ఎముకలు గట్టిపడతాయి. బేబీకి చిన్నతనంలో నూనె గ్రంధులు వుండవు కనుక సూర్యరశ్మికి అధికంగా గురి చేయకండి. ఎండ వేడిమి అధికంగా వుంటే, లేత చర్మం కమిలిపోయి సమస్యలు వచ్చే ప్రమాదం కూడా వుంటుంది.

5. బేబీ ఏడిస్తే అలసిపోతుంది. ఇది మీ అపోహ మాత్రమే. బేబీ బాగా ఏడ్వాలి. ఏడిస్తే బేబీ గుండె గట్టిపడుతుంది. నోరంతా తెరిచి ఏడిస్తే బేబీ ఊపిరితిత్తులు పూర్తిగా సాగి వ్యాయామంగా వుంటుంది. ఏడ్వటం బేబీకి ఆరోగ్యం. గొంతు లేదా స్వరధ్వని మెరుగవుతుంది. కనుక బేబీని ఏడ్వనివ్వండి.

మీరు కొత్తగా తల్లి అయినవారైతే, సాంప్రదాయక పద్ధతులను ఆచరించక, సరైన అనుభవం కలవారిని, వైద్యులను సంప్రదిస్తూ మీ బేబీ పెంపకం చేయండి. అపోహలు తొలగించే మరిన్ని చిట్కాలు మీకు బేబీ పెంపకంపై తెలిస్తే వాటిని మాకు వ్రాయండి.