సెల్ ఫోన్ రేడియేషన్....పిల్లల వింతప్రవర్తన!

Baby

oi-Nageswara

By B N Sharma

Published: Thursday, March 22, 2012, 14:11 [IST]

సెల్ ఫోన్ రేడియేషన్ పిల్లలకు ప్రవర్తనా సమస్యలు తెస్తోందనే అంశం ఎంతోకాలంగా వాడుకలో వుంది. సెల్ ఫోన్ రేడియేషన్, కేన్సర్ పెంచుతుందనేది ఇంకా రుజువు కానప్పటికి పిల్లలలో ప్రవర్తనా సమస్యలు లేదా వారిపై వ్యతిరేక ప్రభావం చూపుతోందని మాత్రం రుజువైంది. మరీ చిన్నతనంనుండి సెల్ ఫోన్ వాడేస్తే అంటే, బేబీ కడుపులో వున్నపుడు తల్లి సెల్ ఫోన్ వాడినప్పటికి అది పిల్లాడికి హాని అని అతనిలో వ్యతిరేక ప్రవర్తన కలిగిస్తోందని రుజువైంది.

ఈ పరిశోధనను కాలిఫోర్నియా లాస్ ఏంజెల్స్ యూనివర్శిటీ రీసెర్చర్లు వెల్లడించారు. ఎపిడెమియాలజీ అండ్ కమ్యూనిటీ హెల్త్ అనే జర్నల్ ప్రచురించింది. 1996 - 2002 మధ్య జరిగిన ఈ స్టడీలో సుమారు 28 వేలమంది పిల్లలను 7 సంవత్సరాలలోపు వారిని సుమారు ఒక లక్షమంది గర్భవతి తల్లులను పరిశోధించారు.

సెల్ ఫోన్ వినియోగం కారణంగా పిల్లలకు ఏకాగ్రత లోపించటం, హైపర్ యాక్టివిటీ డిజార్డర్ కలగటంగా వుందట. పిల్లల సెల్ ఫోన్ వినియోగం కంటే కూడా గర్భిణీ స్త్రీల సెల్ వినియోగం పిల్లలకు హాని చేస్తోందని స్టడీ తెలిపింది.