నెలలు నిండకనే పుట్టిన శిశువుల నిద్ర ఎలా?

నెలలు నిండకుండా పుట్టిన పిల్లలు ఆకస్మిక మరణానికి కూడా గురవుతారు. కనుక ఈ రకమైన పిల్లలను గట్టిదైన పడకపై వెల్లకిలా దిండు వంటివి లేకుండా పడుకోబెట్టాలి. ఎప్పటికపుడు రాత్రులందు బేబీ పడుకున్న తీరు చెక్ చేయండి. శారీరక ఉష్ణోగ్రత కూడా పరిశీలిస్తూ వుండాలి. ఇంటి వద్దే వుంటే, చలిగాలి చొరకుండా వీలైనంతవరకు గదుల ఉష్ణోగ్రతలు మెయిన్టెయిన్ చేయాలి.

నెలలు నిండకముందే పుట్టిన ఈ బేబీలకు రాత్రులందు మంచి నిద్ర పట్టించాలంటే...బేబీ కి వేడిగా వుండేలా సౌకర్యవంతంగా ఒక కాటన్ బట్ట లేదా మెత్తటి దుప్పటి వంటివాటిలో వాతావరణాన్ని బట్టి, చుట్టి పడుకోబెట్టాలి. అధిక వేడి అనుకుంటే మెల్లగా బ్లాంకెట్ తీసేయండి. మెల్లగా మాట్లాడటం లేదా పాటలు పాడటం బేబీ ప్రశాంతంగా, భధ్రంగా, సౌకర్యవంతంగా వున్నానని భావించి మంచి విశ్రాంతి తీసుకుంటుంది.