పిల్లలకు ఇంటిలో యాక్సిడెంట్లు జరగకుండా....!

By B N Sharma

Published: Friday, June 15, 2012, 13:02 [IST]

Preventing Household Accidents for A Baby

అపుడపుడే, పాకటం, నడవటం చేసే పిల్లలకు ఇంటిలోనే ఎన్నో దుర్ఘటనలు జరుగుతూంటాయి. అందుకుగాను కుటుంబ సభ్యులు ఎన్నో జాగ్రత్తలు తీసుకోవాలి. పిల్లలు ప్రతిరోజూ తమ పరిసరాలను పరిశోధిస్తూంటారు. కనుక వారి కళ్ళతో మనం అన్నింటిని గమనించి జాగ్రత్త తీసుకోవాలి. ఇంటిని వారికి సురక్షితంగా వుంచాలి. కొన్ని సార్లు ఎన్ని జాగ్రత్తలు తీసుకున్నప్పటికి, ఇంటిలోనే పిల్లలకు ఏదో ఒక దెబ్బ తగలటం లేదా అపాయం జరగటం వంటివి జరుగుతూంటాయి.

పిల్లల భధ్రతకు ఇంటిలో కొన్ని చిట్కాలు ఎలా పాటించాలి?
ప్రధానంగా 3 లేదా 4 సంవత్సరాల వయసు పిల్లలు ఎల్లపుడూ ఇంటి వద్దే ఆడుకుంటారు కనుక వీరికి అనుకోని గాయాలు తగులుతూంటాయి. వీరికి ఎటువంటి ఆపద కలుగరాదని అనుకుంటే, పర్యవేక్షణ ఎంతో అవసరం. ఎంత పర్యవేక్షించినప్పటికి ప్రతి రోజూ లేదా ప్రతి సెకండ్, వీరిని చూస్తూనే వుండటం జరుగకపోవచ్చు. పిల్లలకు ఇంటిలో జరిగే చిన్నపాటి దుర్ఘటనలు ఎలా వుంటాయంటే....

పిల్లలకు కాల్పులు, మంటల కారణంగా, గాయాల కారణంగా మరణాలు సంభవిస్తాయి. ఉక్కిరిబిక్కిరి అవటం, నీటిలో మునిగి పోవటం, పడిపోవటం, తినకూడని పదార్ధాల విషం, టపాసులవంటి వాటివలన ఈ దుర్ఘటనలు పిల్లలకు జరుగుతాయి. సెంటర్ ఫర్ డిసీజ్ కంట్రోల్ అండ్ ప్రివెన్షన్ వారి అంచనాల మేరకు పిల్లలకు యాక్సిడెంట్లు చాలావరకు కింది వాటితో జరుగుతాయి.

నీటి సంబంధం - బాత్ రూమ్, కిచెన్, స్విమ్మింగ్ పూల్, లేదా నీటి తొట్టి వేడి
వేడి మంటలు -కిచెన్ లో లేదా బార్బెక్యూ గ్రిల్
విషపదార్ధాలు - కిచెన్ సింక్, మెడిసిన్ కేబినెట్, గరాజ్ లేదా గార్డెన్ షెడ్ లేదా మందులుంచే ప్రదేశం
పడిపోయే ప్రదేశాలు - మెట్లు, జారిపోయే నేలలు, ఎత్తైన విండోలు, లేదా జారిపోయే ఫర్నిచర్

కనుక ఈ ప్రదేశాలు పిల్లలకు సురక్షితంగా వుండేలా చేయాలి. పిల్లలు సాధారణంగా ఈ ప్రదేశాలలోనే సంచరిస్తూ వుంటారు.లేదంటే హానికర వస్తువులు, నోటిలో పెట్టుకోవటం, స్టవ్ వద్దకు వెళ్ళటం, వంటివి కూడా చేస్తారు. ఏది ఏమైనప్పటికి మీ పర్యవేక్షణ మాత్రమే శిశువును రక్షిస్తుంది. మీరు ఇంటిలో పిల్లలకొరకు ఎన్ని జాగ్రత్తలు తీసుకున్నప్పటికి ఏదో ఒక సమయంలో పిల్లలు పెద్దల కన్ను కప్పి హానికరమైన చర్యలు కు గురవుతూనే వుంటారు. కనుక అటువంటపుడు, ఎమర్జెన్సీలో వారికి చికిత్సకుగాను మీరు కొన్ని ప్రాధమిక చికిత్సలు నేర్చుకొని వుండాలి.

పిల్లల వైద్యుల ఫోన్ నెంబర్లు తెలుసుకొని వుండాలి. పిల్లల ఆస్పత్రి ఎక్కడవుందో తెలుసుకొని వుండాలి. అవసరమనుకుంటే, ఇరుగు పొరుగుల సహకారం తీసుకొని జాగ్రత్త పడాలి. పిల్లవాడు పెరిగి గ్రహించగలిగే వరకు ఇంటివద్ద తల్లితండ్రులుగా మీరే కాక, ఒక ఆయా లేదా పెద్దవారు ఇతరులు కూడా పిల్లల కదలికలను పరిశీలిస్తూండాలి.తల్లి బిడ్డ నిద్రిస్తున్న సమయంలోనే తనకుగల ఇతర పనులను చక్కబెట్టుకోవాలి. తల్లితండ్రులు ఇద్దరూ ఉద్యోగస్తులైతే, నేడు ఆధునికంగా వస్తున్న డే కేర్ వంటి సంస్ధల సహాయ సహకారాలు పొందాలి.