మీ బేబీ సంరక్షణలో కొంత విశ్రాంతి కూడా పొందండి!

By B N Sharma

Published: Monday, April 2, 2012, 17:31 [IST]

పాలు పట్టే తల్లికి తగినంత నిద్ర, మంచి ఆహారం రెండూ ప్రధానమైనవే. మీ బిడ్డపట్ల ఎంత శ్రధ్ధగాను, జాగ్రత్తగాను వుండాలని మీరు భావిస్తారో, మీ శరీరం పట్ల కూడా మీరు అంతే శ్రద్ధ, జాగ్రత్తలు వహించాలి. బిడ్డకు మీరు ఇచ్చే 24 గంటల జాగ్రత్త వలే మీపై కూడా 24 గంటల జాగ్రత్త వుండాలి. బిడ్డకు పాలు పట్టటం, నిద్రపోతోందో లేదో చూడడం, నేపీలు మార్చడం, పాల సీసాలు స్టెరిలైజ్ చేయటం వంటి పనులెన్నో చేస్తూ చివరకు మీ శరీరాన్ని అశ్రధ్ధ చేస్తుంటారు.

నిద్ర, ఆహారం, ఆరోగ్యం తల్లికి చాలా ప్రధానమైనవి. ఎందుకంటే, తల్లి అయిన కొత్తలలో ఎంతో నొప్పి, శ్రమ కలిగి వుంటుంది. బిడ్డ నిద్రించినపుడు, మీరు నిద్రించాలి. బేబీ షెడ్యూలు ప్రకారమే మీ పనులు చక్కపెట్టుకోవాలి. మొదటి నెలలలో బేబీకి తరచుగా ఆహారం అవసరం అవుతుంది. అన్ని సార్లు పాలు పట్టాలంటే తల్లి ముందు ఆరోగ్యంగా వుండాలి. కనుక బేబీ నిద్రించేటపుడే మీరు తగినంత నిద్ర పొండి. నిద్రించేముందు, మంచి మ్యూజిక్ వినడం, లేదా పుస్తకం చదవండి. లేదా ఆరోగ్యకరమైన పండ్లు, ఇతర ఆమారాలు లైట్ గా తినండి. ఈ చర్యలు మీకు ఒత్తిడి తగ్గిస్తాయి.

నిద్ర బాగా పట్టటానికిగాను నిద్రించేముందు వేడినీటి స్నానం చేయండి. కొద్దిపాటి శారీరక కదలికలతో వ్యాయామం ఉదయం, సాయంత్రం చేయండి. లేదా నడవండి. ఈ చర్యలు మీ ఆరోగ్యాన్ని పరిరక్షించటమే కాక, బిడ్డ పట్ల మీరు మరింత శ్రధ్ధ చూపటానికి తోడ్పడతాయి.