పాపాయిలను పడుకోబెట్టే స్థితులుః ఏది సురక్షితం మరియు ఏది కాదు

1.వెల్లకిలా పడుకోవటం

ఆరోగ్యంగా పుట్టిన పాపాయిలను చిన్న కునుకులకు, విశ్రాంతికి మరియు రాత్రిపూట నిద్రకి కూడా వెల్లకిలానే పడుకోబెట్టాలి.

వెల్లకిలా పడుకోబెట్టే పొజిషన్ ఎస్ ఐడిఎస్ రిస్క్ ను తగ్గించి, గాలి వెళ్ళే మార్గాలను ఎప్పుడూ మూసుకుపోకుండా, నలగకుండా ఉంచుతుంది.

యూఎస్ నేషనల్ ఇన్స్ స్టిస్ట్యూట్ ఆఫ్ ఛైల్డ్ అండ్ హ్యూమన్ డెవలప్ మెంట్ (ఎన్ ఐసిహెచ్ డి) దీన్నే పాపాయిలకి సరైన పడుకునే విధానమని నిర్థారించింది.

అమెరికన్ అకాడమీ ఆఫ్ పీడియాట్రిక్స్ 1992లో నిద్రలోకి జారుకోండి అనే సలహా ఇచ్చినప్పటి నుండి ఎస్ ఐడిఎస్ రేటు 50శాతం కన్నా తగ్గింది.ఈ నిద్రలోకి జారుకోండి సలహాను తర్వాత ఇక నిద్ర సురక్షితం అనే ప్రచారంగా మార్చారు.

2. వెల్లకిలా పడుకోవటం వలన ఉండే రిస్క్ లు

పసిపిల్లలను ఎక్కువసేపు వెల్లకిలా ఒకే స్థితిలో పడుకోబెడితే, అది పొజిషనల్ ప్లేగియోసెఫాలీ అనే అనారోగ్యస్థితికి దారితీస్తుంది. ఇది సమతలంగా మారిపోయిన లేదా వికారమయిన రూపమున్న తలగా మారిపోతుంది మరియు బ్రాకీసెఫలీ అనగా కపాలం వెనకభాగం సమతలంగా మారిపోవటం కూడా జరుగుతుంది. వారికి ఏడాది వయస్సు రాగానే ఆకారం మామూలుగా మారిపోతుంది, వైద్య అవసరం కూడా అరుదుగా ఉంటుంది.

3. కొంచెం చిన్న చిన్న పడుకునే విధానాలలో మార్పులతో ఇలాంటివి అధిగమించవచ్చు. అవేంటంటే ;

పాపాయి మెలకువగా ఉన్నప్పుడు బోర్లా పడుకునే సమయాన్ని పెంచడం.

సమతలంగా ఉన్న వైపు కాకుండా పాపాయిని మరోవైపు తిరిగి పడుకునేలా చేయడం.

క్యారియర్లు కానీ కార్ సీటర్లలో కానీ పాపాయిలు ఎక్కువసేపు గడపకుండా చేయడం

హత్తుకునే సమయాన్ని వారికి పెరిగేలా చేయడం.

క్రిబ్ లో పాపాయి ఉన్న దిశను అప్పుడప్పుడూ మారుస్తూ ఉండటం వలన ఒకే దిశలో ఒకే వస్తువులను చూస్తూ ఉండకుండా ఉండటం జరుగుతుంది.

4. బోర్లా పడుకోవడం

అనేక సిద్ధాంతాలు తల్లిదండ్రులను తమ బిడ్డలు బోర్లా పడుకోనివ్వకూడదని చెబుతున్నాయి ఎందుకంటే;

అలా చేయటం వలన పాపాయి దవడపై ఒత్తిడి పెరిగి గాలి సరిగా లోపలికి వెళ్ళక ఊపిరి ఆడదు.

ఒకవేళ పాపాయి బోర్లా పడుకుంటే అంటే పొట్టపై పడుకుంటే, తన మొహం దుప్పటికి దగ్గరగా ఉండి మళ్ళీ వదిలిన గాలినే పీలుస్తూ ఉండే అవకాశం ఉంది.

మెత్తటి పరుపుపై బోర్లా పడుకుంటే బేబీకి ఊపిరి ఆడకపోవచ్చు.

బేబీ దుప్పట్లలో ఉండే సూక్ష్మజీవులను పీల్చుకోవచ్చు. పాపాయిలు బోర్లా పడుకునగలిగే స్థితులు ఏమన్నా ఉన్నాయా మరి?

అరుదైన కేసుల్లో, అనారోగ్య స్థితి వలన, వైద్యులు పాపాయిని వెల్లకిలా కాక బోర్లా పడుకోబెట్టమని చెప్తారు.

కొందరు వైద్యులు బోర్లా పడుకోవటం తీవ్రంగా ఎసిడిటీ ఉన్న లేదా పైన శ్వాసకోశ లోపాల స్థితులైన పియరీ రాబిన్ సిండ్రోమ్ తో గాలి అస్సలు ఆడకపోవటం వంటి పిల్లలకి మంచిదని చెప్తారు. కానీ ఇలాంటి లాభాలను ధృవీకరించటానికి ఇటీవల అధ్యయనాలేవీ జరగలేదు. ఆరోగ్య నిపుణులు కూడా దీన్ని సలహాగా ఇచ్చేటప్పుడు లాభాలు, రిస్క్ లు దృష్టిలో పెట్టుకోవాలి.

ఇదివరకు వైద్యులు వెల్లకిలా పడుకునే పిల్లల్లో వాంతులయితే చాలా ప్రమాదకరమని, అందుకని బోర్లా పడుకోవడం మంచిదేనని ముఖ్యంగా వాదనల్లో వినిపించేవారు. పాపాయిలకి వెంటనే తలతిప్పే సామర్థ్యం ఉండనందువలన వాంతి అవుతున్న సమయంలో ఊపిరాడదని వారు భావించేవారు. కానీ అనారోగ్యంగా ఉన్నప్పుడు వెల్లకిలా పడుకునే పాపాయిలకి తలలు పక్కకి తిప్పడంలో ఎలాంటి కష్టం లేదని తేలింది.

5.పక్కకి తిరిగి పడుకోబెట్టడం

బేబీలను పక్కకి తిప్పి పడుకోబెట్టడం అపాయకరం ఎందుకంటే వారు తొందరగా బోర్లా పడిపోతారు, దాని వలన సడెన్ ఇన్ఫాంట్ డెత్ సిండ్రోం (ఎస్ ఐడిఎస్ ) ప్రమాదం పెరుగుతుంది.