వ్యాయామాలు గర్భం రాకుండా చేస్తాయా?

Basics

oi-Nageswara

By B N Sharma

Published: Friday, June 15, 2012, 11:41 [IST]

మహిళ ధరించే గర్భంపై ఎన్నెన్నో అపోహలున్నాయి. గర్భం ధరించాలనుకుంటే, పరుగులు పెట్టరాదని, ప్రెగ్నెన్సీ సమయంలో తేలికపాటి వ్యాయామాలు చేయాలని, మొదలైనవి చెపుతారు. మరి మీరు ప్రెగ్నెంట్ అయినప్పటికి మీరు చేయగల వ్యాయామాలు కొన్ని వున్నాయి. నడక, స్విమ్మింగ్, మరికొన్ని అరబిక్ వ్యాయామాలు గర్భవతి మహిళలు చేయవచ్చు. అయితే, కొన్ని వ్యాయామాలు గర్భవతికి హాని కలిగిస్తాయి. ఆమె గర్భవిచ్ఛిన్నతకు కారణమవుతాయి. వాటిని గర్భవతి మహిళ ఆచరించరాదు. అవేమిటంటే, ఎగరడం, వేగంగా పరుగు పెట్టటం, వంటివి ఆమెకు రిస్కు గా వుంటాయి. అయితే, కొంతమంది మహిళలకు వ్యాయామాలు చేస్తే ప్రెగ్నెన్సీ రాదనే అపోహ కూడా వుంది. ఇందుకు సమాధానం చూడండి....

1. వ్యాయామం అనేది ఫలదీకరణ అంశాలకు ముడిపెట్టి లేదు. మీకు పిరీయడ్స్ కనుక రాకుంటే, గర్భం ధరించే అవకాశాలుంటాయి. కనుక, వ్యాయామాలు చేస్తే గర్భం రాదనే అపోహను తొలగించుకోండి. వ్యాయామాలు చేస్తే, శరీర పటుత్వం పెరిగి గర్భం ధరించే అవకాశాలు అధికంగా వుంటాయి.

2. నడక, స్విమ్మింగ్ వంటి ఆరోగ్యకరమైన సరళ వ్యాయామాలు మీ సంతానోత్పత్తి వ్యవస్ధను ఏ మాత్రం చెడుగా ప్రభావించవు. మహిళలు గర్భం ధరించేముందు లేదా గర్భం కొరకు ప్రయత్నం చేస్తున్నపుడు కూడా ఈ వ్యాయామాలు చేయవచ్చు.

3. వ్యాయామం వలన కలిగే ప్రయోజనాలు మీ శరీరంలోని అండోత్సర్గం, పిరీయడ్ సంబంధి సమస్యలను తొలగిస్తాయి. అండోత్సర్గం రెగ్యులర్ గా జరగాలి దానికిగాను మీరు రెగ్యులర్ గా చేసే వ్యాయామం సహకరిస్తుంది. అయితే, మీరు చేసే వ్యాయామాలు ఎంపిక చేయబడినవిగా వుండాలి. బరువులు ఎత్తడం వంటివి మీ గర్భానికి సహకరించవు.

4. శరీరానికి శ్రమకలిగించే, బరువులు ఎత్తడం, డంబ్ బెల్స్ ఎత్తడం, పుష్ అప్ లు, మొదలైనవి మీ రుతుక్రమాన్ని ప్రభావిస్తాయి. ఈ వ్యాయామాలు మీ గర్భాశయాన్ని కూడా నష్టపరచే అవకాశం వుంటుంది. బలహీనం చేసి గర్భాన్ని ఆపుచేయవచ్చు. కనుక మీ పొట్టపై శ్రమపడే వ్యాయామాలు చేయకండి.

5. గర్భం ధరించకపోవటానికి వ్యాయామాలు కారణం కాకపోవచ్చు. మీకు సంతానోత్పత్తి వ్యవస్ధలో ఇతర సమస్యలుండవచ్చు. కనుక తగిన వైద్యులను సంప్రదించి కారణాలు పరిశీలించండి.

6. గర్భం ధరించడంలో, పురుషుడి పరంగా అతనిలోని వీర్యకణాల సంఖ్య కూడా అవసరమవుతుంది. ఫలదీకరణ సవ్యంగా జరగాలంటే, వీర్యకణాల సంఖ్య అధికంగానే వుండాలి. అపుడే ఫలదీకరణ త్వరితంగా జరిగి మీరు గర్భం ధరిస్తారు. కనుక వివిధ ఇతర కారణాల కొరకు వైద్యపరంగా సరైన వైద్యులను సంప్రదించండి. చేస్తున్న వ్యాయామాల కారణంగా గర్భం ధరించటంలేదనే నిర్ణయాలకు రాకండి.

మీరు గర్భం ధరించాలని ప్రయత్నిస్తూ అది రాకుంటే, గ్రహాలు బాగాలేదని వాటిని నిందించటం లేదా మీరు చేసే వ్యాయామాలు సరికానివని చెపటం సరికాదు. మీరు ఆచరించే అనారోగ్య జీవన విధానాల కారణంగా, చెడు అలవాట్ల కారణంగా కూడా గర్భం రాకపోవచ్చు. లేదా మీ సమీప బంధువులలో కూడా ఎవరికైనా పిల్లలు లేకపోవచ్చు. వారి పోలిక మీకు వచ్చి వుండవచ్చు. కనుక ఆరోగ్యకర జీవన విధానాలు ఆచరిస్తూ, ఆరోగ్యకర ఆహారాలు తింటూ, మీరు వాంఛించే గర్భం కొరకు ప్రయత్నించండి. అవసరమనుకుంటే, తగిన వైద్య సలహాలు పొందండి.