కాబోయే తల్లిగా ఆమెను ఊహించండి!

సాధారణంగా తండ్రి పాత్ర మరచిపోతూవుంటారు. వీరికి కూడా శారీరక ధృఢత్వం కావాలి. అధిక భాద్యత, భార్యకు అన్నివిధాలా సహకరించవలసి వుంటుంది. మానసికంగా ఎన్నో మార్పులు పొందాలి. ముందుగా తన మహిళలో వచ్చే శారీరక మార్పులకు అతను సిద్ధంగా వుండాలి. స్తనాలు పెరగటం, శరీర ఉష్ణోగ్రత మారటం, చెదిరిన మనోభావనలు, పెరిగిన పొట్ట మొదలైనవి అతను కూడా చూసి తట్టుకోవాలి. తన మహిళ కోర్కెలు, మనోభావనలకు అనుకూలంగా వుండాలి.

అంతేకాక, ఇంటికి ఒక పురుషుడుగా తగిన ఆర్ధిక స్ధిరత్వం కలిగి వుండాలి. డెలివరీ సమయంలో ఆర్ధిక పరంగా చాలా వ్యయం చేయవలసి వుంటుంది. బిడ్డ పుట్టిన తర్వాత కూడా కుటుంబంలో అదనపు వ్యయం జరుగుతుంది. వీటికి కొత్తగా అవబోయే తండ్రి సిద్ధ పడాలి. తండ్రి అయిన తర్వాత తన ఆలోచనలో కొంత పరిపక్వత రావాలి. అంతవరకు వున్న చెడు అలవాట్లలో మార్పు తెచ్చుకోవాలి. పొగతాగటం, ఆల్కహాల్ వంటివి కాబోయే తల్లికి, పుట్టబోయే శిశువుకు కూడా హాని కలిగిస్తాయి. కోపం తగ్గించుకోవడం కూడా ప్రధానమే. ఎందుకంటే, గర్భంతో వున్న మహిళ మీ కోపానికి తట్టుకోలేదు. తండ్రి కాబోయే వారు ఈ అంశాలను ప్రధానంగా దృష్టిలో వుంచుకోవాలి.