భాగస్వామిని ఎంపిక చేసుకునేటపుడే?

Basics

oi-Nageswara

By B N Sharma

Published: Monday, July 16, 2012, 11:52 [IST]

బిడ్డల పుటుక జీవిత భాగస్వామిని ఎంపిక చేసుకోవడంలో కూడా వుంటుంది. ఆకర్షణా శాస్త్రం మేరకు భాగస్వామిని ఎంపిక చేసుకునేటపుడే బిడ్డ ఎలా వుండాలనేది మన మైండ్ లో వుంటుందంటారు సైంటిస్టులు. పుట్టబోయే బిడ్డకు జన్యువుల ఎంపిక ఎలా చేయాలి? నిపుణుల మేరకు ఆకర్షణా శాస్త్రం ముందుగా ఆరోగ్యం పరిశీలిస్తుంది. మన జీవిత భాగస్వామి ఆరోగ్యంగా కనపడుతున్నాడా లేదా? అనేది చూస్తాం. దీనికి కారణం అతను ఎక్కువ కాలం జీవించివుండాలని మరియు అతనితో చక్కని ఆరోగ్యకరమైన బేబీ పుట్టాలని కోరుకుంటాం. అతనినుండి వచ్చే జన్యువులు కూడా ఆరోగ్యంగా వుండాలని భావిస్తాం.

రెండవ ప్రధానమైన అంశంగా వాసనా శక్తిని కూడా కలిగి వుంటాం. కొన్ని వాసనలు మనలను ఆ భాగస్వామి వైపు ఆకర్షింపజేస్తే, మరి కొన్ని దూరంగా కూడా వుండేలా చేస్తాయి. అతి సన్నిహిత కుటుంబ సభ్యులనుండి వచ్చే వాసనలు మనలను లైంగికంగా వికర్షకులుగా కూడా చేస్తాయి.
సంతానోత్పత్తి చేయటంలో ప్రకృతి సహజంగానే ఈ ఏర్పాటు చేసింది. మానవ సంతతి ఆదిమ కాలంలో కుటుంబాలుగా లేకుండా గుంపులు, తెగలుగా వున్నపుడు సమీప బంధువులా కాదా అని తెలుసుకోడానికి వాసనను బట్టే గ్రహించేవారు. సమీప రక్త సంబంధాలతో పిల్లల సంతానోత్పత్తి బేబీ జన్యు ఆరోగ్యం కారణంగా సరైనది కాదు. అంటే దాని అర్ధం భాగస్వాములలో ఒకే రకమైన జీన్సు వుంటే పుట్టే బిడ్డలు బలంగా, ఆరోగ్యంగా వుండరు. వారి ఎదుగుదల లేదా వారి సంతతి నాణ్యత కలిగి వుండదు.

తాజాగా పరిశోధకులు కనిపెట్టిన మరో అంశం మనకు వచ్చే వాసనలు మన క్రోమోజోమ్స్ లోని జీన్సు ఒకే రకంగా వుంటే రోగనిరోధక శక్తి తక్కువగా వుంటాయంటారు. పుట్టే బేబీ బలంగా, ఆరోగ్యంగా వుండాలంటే మనం ఎంచుకునే జీవిత భాగస్వామిని వాసనా శక్తి ద్వారా కూడా కనిపెట్టేయవచ్చు.
ఆరోగ్యాన్నిచ్చే ఈ జీన్స్ మననుండి ఎంత వ్యతిరేకంగా వుంటే, అంతచేటు ఆ భాగస్వామికి మీరు ఆకర్షించబడతారు. ఈ చర్య ఆరోగ్యవంతమైన సంతానోత్పత్తికి కారణమవుతుంది.

జీన్స్ ఈ రకంగా ఎంపిక చేసుకోవడంలో హార్మోన్ల పాత్ర అధికంగా వుంటుంది. హార్మోన్ల విడుదలలో వాసనలు పుట్టుకొస్తాయి. మహిళలు అండాన్ని రిలీజ్ చేసేటపుడు వారి శరీరాలు ఎంతో కాంతివంతంగా వుండి మంచి వాసనలతో కూడుకొని వుంటాయి. ఈ రకంగా అండం రిలీజ్ అయ్యే సమయంలో ఆమెకుగల ఆకర్షణలతో పురుషుడు తన వాసనా శక్తి ద్వారా ఆమెను ఆకర్షిస్తాడు. ఈ రకంగా హార్మోన్లు, జీన్స్ సంబంధించిన నిర్ణయాలతో ప్రతి ఒక్కరూ వారికిష్టమైన ఎంపికతో సంతానోత్పత్తి చేసుకోవచ్చు.