పిల్లలు పుట్టని మహిళలకు వరం!

Basics

oi-Nageswara

By B N Sharma

Published: Tuesday, April 17, 2012, 17:38 [IST]

పిల్లలు పుట్టని మహిళలకు ఇన్ విట్రో ఫెర్టిలైజేషన్ ఒక వరంగా పరిణమిస్తోంది. సంతనం పొందలేని అనేక మంది మహిళలు, పురుషులు, ఇపుడు ఈ విధానాన్ని ఆచరించి సంతానం పొంది ఆనందిస్తున్నారు. గతంలో ఈ రకమైన సంతాన సాఫల్యతను అందరూ తీవ్రంగా వ్యతిరేకించేవారు. కాని మారుతున్న సమాజ పరిస్ధితుల కారణంగా చాలామంది పురుషులు స్త్రీలు నేడా ఈ ప్రక్రియను ఆచరించి సంతానాన్ని పొందుతున్నారు. పట్టణాలలో ఈ ప్రక్రియకు దోహదం చేసే అనేక కేంద్రాలను కూడా మనం చూస్తూనే వున్నాము.

ఈ ఇన్ విట్రో ఫెర్టిలైజేషన్ ప్రక్రియలో మహిళల అండంలో కనుక లోపం వుంటే వేరొక మహిళ అండానికి పురుషుడి వీర్య కణాలను సంయోగం చెందించి ఆ మహిళలో ప్రవేశ పెట్టి గర్భం ధరించేలా చేస్తారు. అదే విధంగా వీర్యకణాల లోపం వున్న పురుషులకు సరైన రీతిలో వున్న వీర్య కణాలను మహిళ అండంతో సంయోగం చెందించి మహిళలో ఫలదీకరణ కావిస్తారు.

ఈ ప్రక్రియలో మహిళ సహజంగానే గర్భం ధరించి సంతానాన్ని పొందుతుంది. అయితే, ఈ గర్భ ధారణ పద్ధతిలో, భార్యా భర్తలలో ఎవరో ఒకరు మాత్రమే బిడ్డ పుటుకకు కారణం కాగా, మహిళ మాత్రం గర్భం ధరించి కాన్పుకు మాత్రమే భాధ్యురాలవుతుంది. గతంలో ఈ పద్ధతికి తీవ్రంగా వ్యతిరేకించినప్పటికి నేడు ఇది పట్టణాలలో బాగా వ్యాప్తి చెందుతోంది. దీనికి కారణం మహిళలు ఏదో ఒక రకంగా గర్భం పొంది తాము పిల్లలు లేని వారమనే భావనకు దూరంగా వుండటమేనని వైద్య నిపుణులు చెపుతున్నారు.

జంటలు తమ సంతానానికి చెందిన రహస్యాన్ని రహస్యంగా వుంచేసి కాలం గడిపేస్తున్నారు. పుట్టిన బిడ్డలతో ఆనందంగా గడిపేస్తున్నారు. వేరే వారి పిల్లలను దత్తతలు తీసుకోవడం, వారిని పెంచడం అనే ప్రక్రియకు చాలా వరకు అడ్డు కట్టపడింది. అయినప్పటికి నేటికి గ్రామీణ ప్రాంతాలలో ప్రజలు మాత్రం ఈ రకమైన సంతాన ప్రక్రియకు పూర్తిగా వ్యతిరేకత చూపుతూనే వున్నారు. ఈ ప్రాంతాల ప్రజలు ఇంకను పూర్తిగా మారని కారణంగా ఇన్ విట్రో ఫెర్టిలైజేషన్ లేదా టెస్ట్ ట్యూబ్ ఫలదీకరణ అనే ప్రక్రియకు మనదేశంలో పూర్తి ప్రాచుర్యత లభించడం లేదు.