ఏ వయసులో గర్భవతి అయితే మంచిది?

Basics

oi-Nageswara

By B N Sharma

Published: Friday, April 6, 2012, 13:17 [IST]

నేటి రోజులలో మహిళలు, అధిక చదువులు చదవటం, ఉద్యోగ వ్యాపారాలు ఆచరించటం వంటివి చేస్తూ తమ వ్యక్తిగీత జీవితాన్ని సైతం త్యాగం చేసుకుంటున్నారు. ఎప్పటికపుడు వివాహాలను వాయిదా వేసుకోవడం కూడా చేస్తున్నారు. ఉన్నత పదవులు చేపట్టటం ధన సంపాదన లక్ష్యంగా కూడా కొనసాగుతున్నారు. మరి ఈ రకంగా వివాహాలు వాయిదా వేస్తూ పోతే, వారి వయసు పెరిగిపోవటం, పిల్లలను కనటంలో ఆలస్యం ఏర్పడటం జరుగుతుంది. మరి అటువంటి వారికి అనేక సందేహాలు వస్తూంటాయి. వాటిలో మొదటిది గర్భం ఎపుడు ధరించాలనేది.

మరీ వయసు మీరిన మహిళలు పిల్లలను దత్తత తీసుకోవటం వరకు కూడా ఆలోచిస్తారు. గర్భవతికిగల కష్టాలు, మహిళకు మహిళకు మారుతూంటాయి. ప్రతస్తుతం ఆలస్యంగా గర్భం ధరించినప్పటికి మంచిదేనంటున్నారు వైద్యులు. అయితే మహిళ వయసు పైబడే కొద్ది కష్టం ఎక్కువగా వుంటుంది. 35 సంవత్సరాలపైబడి గర్భవతులైన వారిలో సెలిబ్రిటీలు సైతం ఎందరో వున్నారు. అయితే, ఈ వయసులో గర్భం ధరించే అవకాశాలు తక్కువ. గర్భంతో పాటు, డయాబెటీస్ కూడా వచ్చే అవకాశం వుంటుంది.

వైద్య శాస్త్రం అభివృధ్ధి చెందుతున్న నేపధ్యంలో సౌకర్యాలు మెరుగవుతున్నందువల్ల, ఆలస్య గర్భాలు కూడా మహిళలకు సౌకర్యమే కనుక 35 సంవత్సరాలనుండి 40 సంవత్సరాలవరకు కూడా గర్భం ధరించవచ్చునని అభిప్రాయపడుతున్నారు. అయితే, టైప్ 2 డయాబెటీస్, ధైరాయిడ్ వంటి వ్యాధులు లేకుండా వుండాలి. డెలివరీలు సైతం నేటిరోజులలో వేగంగా, నొప్పి లేకుండా జరిగిపోతున్నాయి. వయసు మీరిన మహిళలవటంతో, వీరు వేసుకునే గర్భ నిరోధక మాత్రలు ఆపేస్తే చాలు, తేలికగా గర్భం పొందుతున్నారు.

ఇక సంరక్షణా విషయానికి వస్తే, ఇంటర్నెట్, ఇతర పుస్తకాలు, హాస్పిటల్స్ వంటివి అందుబాటులో వుండటంతో కావలసినంత సమాచారం ముందెన్నడూ లేనంతా లభ్యమవుతుండటంతో అనేక ముందస్తు జాగ్రత్తలు తీసుకుంటూ, తమకు అవసరమైన రీతిలో పిల్లలను కనే అవకాశాలు నేటి మహిళలకు వున్నాయి. కనుక మహిళలు ఆలస్య వివాహాలు జరిగినప్పటికి ఆలస్య గర్భ ధారణ పొందినప్పటికి ఆందోళన చెందనవసరంలేదంటున్నారు విషయ నిపుణులు.