ఆ....పనిలోగర్భం రాకుండా ఎలా...?

Basics

oi-Nageswara

By B N Sharma

Published: Thursday, April 19, 2012, 14:20 [IST]

నేటి రోజులలో ప్రపంచవ్యాప్తంగా జనాభా వేగంగా పెరిగిపోతోంది. ప్రత్యేకించి ఇండియా, చైనా దేశాలలో మరింత అధికమవుతోంది. మానవ సంక్షేమ సంస్ధలు వివిధ జనాభా నియంత్రణ పద్ధతులను ఆచరిస్తున్నప్పటికి సమస్య కొనసాగుతూనే వుంది. మరి దీనిని అరికట్టడం ఎలా? ప్రజలను శాశ్వత గర్భనిరోధక మార్గాలకు గురిచేయాలి. రెండు లేదా మూడు సంతానం కల జంటలు ఈపద్ధతులను ఆచరించవచ్చు. శాశ్వత గర్భ నిరోధక సాధనం పురుషులకు, మహిళలకు ఇరువురికి ఉంది. ఇరువురికి అనుకూలంగా వుండా రెండు గర్భ నిరోధక మార్గాలను పరిశీలించండి.

మహిళలకు శాశ్వత గర్భ నిరోధకత ఎలా?
మహిళలకు ట్యూబెక్టమీ ఆపరేషన్ చేయవచ్చు. ఇది చేస్తే ఇక ఫలదీకరణ వారిలో జరుగదు. మహిళలోని ఫేలోపియన్ ట్యూబ్ ను సీల్ చేస్తారు. ఇక ఆపై ఆమెలోని అండం ఫలదీకరణ కొరకు గర్భాశయాన్ని చేరదు. పాక్షిక శాల్పిన్ జెక్టమీ అనే ఆపరేషన్ చాలామంది చేయించుకుంటున్నారు. దీనిని లోకల్ ఎనస్తీషియా ఇచ్చి చేస్తారు. చాలా సార్లు మహిళ సిజేరియన్ చేయించుకోగానే తక్షణమే ఈ ఆపరేషన్ నిర్వహిస్తారు. సిజేరియన్ మత్తులో వున్న ఆమెకు అదే సమయంలో పిల్లలు పుట్టకుండా శాశ్వతంగా ఈ ఆపరేషన్ చేస్తారు.

ట్యూబెక్టమీ ఆపరేషన్ 99 శాతం విజయవంతం. ఈ ఆపరేషన్ తర్వాత గర్భం వచ్చిన సంఘటనలు అరుదుగా వున్నాయి. ఈ ఆపరేషన్ తర్వాత మహిళ ఏదేని బలమైన కారణాల వలన మరోసారి పిల్లలు కలగాలని భావిస్తే, దీనిని రివర్స్ చేసి మరోమారు ఫేలోపియన్ ట్యూబులకు ఆపరేషన్ చేసి పిల్లలు పుట్టేలా చేయవచ్చు.

పురుషులకు శాశ్వత గర్భనిరోధక మార్గం - వేసక్టమీ
వేసక్టమీ కూడా ఒక ఆపరేషన్ వంటిదే. దీనిలో జన్మనిచ్చే వీర్యకణాలు వీర్య ప్రవాహంలో చేరకుండా నిలిపేస్తారు. దీనిలో వాసా డిఫరెన్షియా లను కత్తిరించి సీలు వేస్తారు. ఇది కూడా లోకల్ ఎనస్తీషియా లోనే చేస్తారు. దీనిని చేయించుకొన్న పురుషులు త్వరగానే తమ రోజువారీ పనులను ఆచరించవచ్చు. ఆపరేషన్ అయిన వెంటనే పురుషుడు తన ఇంటికి వెళ్ళవచ్చు. ఉద్యోగాలు, ఇతర పనులు ఎట్టి శ్రమ లేకుండా ఒక వారం రోజులలోపే చేసుకోవచ్చు.

ఈ ప్రక్రియ విఫలతకూడా చాలా తక్కువే. వాసో వాక్టమీ అనే ఈ ఆపరేషన్ చేస్తే చాలు పురుషుడు తన భాగస్వామికి గర్భం చేయలేడు. అయితే సర్జరీ వ్యయం అధికంగా వుంటుంది.

శాశ్వత గర్భ నిరోధానికిగాను ఈ రెండు ఆపరేషన్లు, పురుషులకు, స్త్రీలకు చేస్తారు.