కవల పిల్లలు కలిగేందుకు ప్రయత్నమా?

Basics

oi-Nageswara

By B N Sharma

Published: Monday, June 11, 2012, 9:37 [IST]

నేడు చాలామంది జంటలు ఒకేమారు ఇద్దరు పిల్లలను అంటే కవల పిల్లలను కనేయాలని ప్రయత్నాలు చేస్తున్నారు. ఈ రకమైన కోర్కెలు వారిలో బాగా పెరిగిపోతున్నాయి.
దానికి కారణం నేడు మహిళలు చాలావరకు ఉద్యోగాలు చేస్తున్నారు. కనుక ఆ ఉద్యోగంలో మేటర్నీటీ లీవ్ అంటూ రెండు సార్లు సెలవు పెట్టటం మహిళ తన ఉద్యోగ భధ్రతకు, తన కెరీర్ కు ఆటంకంగా భావిస్తోంది. ఒకే సారి గర్భం ధరించి ఇద్దరు పిల్లలనను కనేయాలని భావిస్తోంది. ఆమె అవసరం అటువంటిది.కనుక, ఒకే సారి ఇద్దరు పిల్లలను కనేందుకు తప్పక మార్గాలు కూడా వుంటాయి. కవల పిల్లలు పుడితే చాలా అదృష్టమే మరి. కవల పిల్లలు పుట్టించుకోవడం ఎలా అనే అంశంపై కొన్ని సైంటిఫిక్ వివరణలు పరిశీలించండి.

కవలపిల్లలు పుట్టేందుకు కొన్ని చిట్కాలు -

1.వయసు పెరిగే కొలది మీకు అవకాశాలు అధికం - ఎల్లపుడు బిజీగా వుంటూ పనులు చేసుకునే మహిళలకు ఒకే సారి కవలలు కలగటం నిజంగా మంచి అవకాశం. వారు కూడా ఉద్యోగాలలో వుంటూ సంతానం కొరకు ఆలస్యంగానే ప్రయత్నిస్తారు. మహిళకు మెనోపాజ్ ముందు అండోత్సర్గం అతి చురుకుగా కొనసాగుతుందని సైన్స్ చెపుతోంది. మీ అండాశయంనుండి 35 నుండి 45 రోజుల పిరీయడ్ లో ఒకటికంటే కూడా అధికంగా అండాలు రిలీజ్ చేయబడతాయి.

2. ఫలదీకరణ - చాలామంది సెలిబ్రిటీలు ఫలదీకరణ చికిత్సలు చేయించుకున్నవారు. లేదా టెస్ట్ ట్యూబ్ బేబీలకు చికిత్స చేయించుకున్నవారు కవలలు పొందటం మీరు గమనించే వుంటారు. గర్భం దాల్చటం కష్టమైతే, మీరు కనుక ఇన్ విట్రో ఫెర్టిలైజేషన్ చేయించుకొనే వారైతే కవలలు పొందేందుకు మీకు మంచి అవకాశమే.

3. కుటుంబ చరిత్ర - మీ కుటుంబంలో మీ ఆంటీలు లేదా ఇతర బంధువులలో ఎవరికైనా కవల పిల్లలు కలిగినట్లయితే, మీకు కూడా ఇది తేలిక అవుతుంది. మీరు 30 సంవత్సరాల పైన కూడా గర్భం ధరించాల్సిన అవసరం లేదు. అది కనుక మీ జన్యువులలో వుంటే, సహజంగా కవలల కొరకు కూడా ప్రయత్నించవచ్చు.

4. మీరు ఇప్పటికే ఒక బిడ్డకు పాలు ఇస్తూ వుంటే, మరో గర్భం కవల పిల్లలతో పొందేందుకు అనుకూలంగా వుంటుంది అని సైంటిస్టులు చెపుతారు. అది పూర్తిగా రుజువు కానప్పటికి కలిగే అవకాశాలుంటాయంటారు. కనుక తప్పక ఈ సమయంలో ప్రయత్నించండి.

5. గర్భం పొందేందుకు ప్రయత్నించే సమయంలో పాల సంబంధిత ఉత్పత్తులు, చిలకడ దుంప వంటి దుంప పదార్ధాలు అధికంగా తీసుకుంటే అవకాశాలుంటాయి.

6. ఊబకాయం మరియు కవల పిల్లలు - ఊబకాయం కలిగి అధిక బరువు వుంటే వారికి కొన్ని సార్లు సహజంగా కవల పిల్లలు కలిగే అవకాశాలుంటాయి. అయితే పుట్టే కవలలు ఇద్దరూ ఒకే రకంగా వుండకపోవచ్చు.

మీరు కనుక ఒకే సారి కవల పిల్లలను కనాలని అనుకుంటుంటే, ఈ చిట్కాలు బహుశ మీకు ఉపయోగించవచ్చు. కనుక ప్రయత్నం చేయండి. ఒకే సారి ఇద్దరు పిల్లలను కని ఆనందించండి.