ప్రేమికుల రోజునాడు ప్రెగ్నెన్సీ రాకుండా?

By B N Sharma

Published: Friday, February 3, 2012, 10:30 [IST]

ప్రేమికుల రోజు అంటే జంటలకు ఎంతో ఉత్సాహం, ఆనందం, భావావేశం. ఈ రోజున తన వేలంటైన్ తో కలసి ఆనందించే యువతి త్వరపడి గర్భం కూడా తెచ్చుకునే అవకాశం వుంది. ఆనందించే సమయంలో, గర్భం వస్తే దానిని భరించాల్సింది యువతే...అతడు కాదని ఆమె గ్రహించాలి. కనుక తర్వాత జరిగే పరిణామాలకు పశ్చాత్తాపపడేకంటే గర్భం రాకుండా ఏ రకమైన జాగ్రత్తలు తీసుకోవాలనేది పరిశీలించండి.

1. ప్రేమికుల రోజునాడు మీరు తీసుకునే హేండ్ బ్యాగ్ మీకు ఏ పరిస్ధితిలోనైనా సరే కాపాడేటందుకు అనువైన వస్తువులు కలిగి వుండాలి.

2. ముందుగా అవసరమనుకుంటే కండోమ్ లు అందులో పెట్టుకోండి. పురుషుడే ఎపుడూ కండోమ్ కొని తీసుకురావాలని లేదు. పురుషులు మరచిపోవచ్చు. కాని అతనికంటే కూడా దాని అవసరం మీకు అధికం. కనుక కండోమ్ అందుబాటులో పెట్టుకోండి.

3. రతికి ముందు మహిళల డయాఫ్రం లేదా యోనిలో వుంచే టాబ్లెట్ల వంటివి కూడా అందుబాటులో వుంచుకోండి.

4. మీ భధ్రత కొరకు మీరు కనుక ఈ గర్భనిరోధక సాధనాలు తీసుకొనకపోతే ఒక పెప్పర్ స్ప్రే ని దగ్గర వుంచుకోండి.

5. మీరు కనుక గర్భ నిరోధక మాత్రలు వాడుతూంటే, ఈ సమయంలో ఒక్క మాత్ర కూడా మరచిపోకండి. వీటిని మీ పిరియడ్ రెండవరోజునుండి వాడాలి. ప్రతిరోజూ ఒకే సమయానికి తీసుకుంటూ వుండాలి.

6. ఈ మాత్రలు ప్రత్యేకించి ప్రేమికులరోజు కొరకు ఈ నెల మొదలుపెట్టినవారైతే దానిపైనే ఆధారపడకండి. మాత్ర పని చేయాలంటే ఒక నెలరోజులైనా పడుతుంది.

7. మీ సేఫ్ పిరీయడ్ తెలుసుకోడానికి ఒవ్యులేషన్ స్ట్రిప్ లు వాడి అండం రిలీస్ అవుతోందనుకుంటే మరింత జాగ్రత్తగా వుండండి.

8. డాక్టర్ మందుల చీటీ లేకుండా ఎమర్జెన్సీ గర్భనిరోధక మాత్రలు వాడకం మంచిదికాదు. కనుక ఒక మందుల చీటీ కల ఎమర్జెన్సీ మాత్రలు కూడా వద్ద వుంచుకోండి.

ఈ రకమైన ముందు జాగ్రత్తలతో ప్రేమికులరోజునాడు మరింత భాధ్యతగా వ్యవహరించండి.