టెస్టు ట్యూబ్ ఫలదీకరణలో కవల పిల్లలు ఎలా సాధ్యం?

Basics

oi-Nageswara

By B N Sharma

Updated: Monday, October 12, 2015, 16:06 [IST]

కవల పిల్లలు కలిగితే....మీరు ఇన్ విట్రో ఫెర్టిలైజేషన్ లేదా టెస్టు ట్యూబ్ ఫలదీకరణ చేయించుకున్నారని భావిస్తారు. ఎవరికి ఈ రకంగా ఇద్దరు పిల్లలు పుట్టినా అందరూ అదే అనుకుంటున్నారు నేటి రోజులలో. కాని అది వాస్తవం కాదు. కవల పిల్లలు కలిగినంత మాత్రాన వారు టెస్ట్ ట్యూబ్ ఫలదీకరణ చేయించుకున్నట్లు నిర్ధారించరాదు. తల్లితండ్రులు ఒకే సారి ఎక్కువ పిల్లలను కోరుతున్నారా లేక ఐవిఎఫ్ లేదా టెస్ట్ ట్యూబ్ ఫలదీకరణలోని సైడ్ ఎఫెక్ట్ గా ఇది జరుగుతోందా? అనేది సాధారణ మనిషికి అర్ధం కాని విషయంగా వుంది.

ఐవిఎఫ్ ఎందుకని కవలలను పుట్టిస్తుంది?
దీనికి వివరణ తెలుపాలంటే చాలా సింపుల్. ఐవిఎఫ్ మాత్రమేకాదు, ఫెర్టిలిటీ చికిత్స ఏదైనప్పటికి అది ఎక్కువమంది బిడ్డలు ఒకే సారి పుట్టే అవకాశాలుంటాయి. సాధారణ పరిస్ధితులలో ఒక అండం ప్రతినెలా పక్వం అవుతుంది అది అండాశయం నుండి రిలీజ్ అవుతుంది. అరుదైన సంఘటనలలో ఈ నిబంధన అతిక్రమించబడి ఫలదీకరణ అదే సమయంలో జరిగితే, అది జంట కవలలు లేదా ముగ్గురిగా కూడా ఫలదీకరణ జరిగే అవకాశం వుంది.

ఫెర్టిలిటీ చికిత్సలలో, అండాలు హార్మోన్లతో కలిసి ప్రభావించబడి, అధిక అండాలు ఏర్పడతాయి. అండాలను కలిగించటం వ్యయంతో కూడినది మరియు దీర్ఘకాల ప్రక్రియ. కనుకవారు ఒక సారి ఒకే అండాన్ని తీయరు. వీర్యకణాలు అధికంగా లభిస్తూండటంతో, ఒకే డిష్ లో ఒకటికంటే కూడా అధిక పిండాలు తయారు చేస్తారు. గర్భాశయంలో వారు ప్రవేశ పెట్టిన ప్రతి పిండం విజయవంతంకాదు. కనుక ఒకే సారి అనేక పిండాలు వారు గర్భాశయంలో పెట్టేస్తారు. వాటిలో కనీసం ఒకటైనా విజయవంతం అవుతుందని భావిస్తారు. ఈ కారణంగానే ఐవిఎఫ్ లో అధిక సంఖ్యలో పిల్లలు పుడతారు.

ఐవిఎఫ్ జంట పిల్లలో సమస్యలా?
అవును. ఐవిఎప్ అనేది ఒక క్లిష్టమైన ఫలదీకరణ ప్రక్రియ. ఈ పిల్లల పుటుక సమస్యగానే ఎల్లపుడూ వుంటుంది. కనుక, ముందస్తుగానే డెలివరీ అయ్యే అవకాశాలుంటాయి. అంతేకాక, పుటుక లోపాలు, పుట్టినపుడు బరువు తక్కువగా వుండటం వంటివి కూడా ఏర్పడతాయి. కాని ఐవిఎఫ్ అనేది చాలా అధునాతన ఫలదీకరణ పద్ధతి. తల్లి గర్భంలోకి ప్రవేశ పెట్టబడే పిండాల సంఖ్యను మీరు తేలికగానే నియంత్రించవచ్చు. నేడు ఐవిఎఫ్ కేంద్రాలకు కొత్త నిబంధనలు ఏర్పరచబడ్డాయి. వాటిమేరకు ప్రతి ఫెర్టిలిటీ కేంద్రం చట్టబద్ధంగా వారు చేసే మొత్తం పుటకలలో 10 శాతంగా మాత్రమే చేయాలనేది ఒక అధునాతన నిబంధన.

ఐవిఎఫ్ కవల పిల్లలు అవసరంలేదనుకుంటే?
సాధారణంగా, జంటలు చాలాకాలం పిల్లలు లేకుండా వుంటారు. కనుక వారు ఒకే సమయంలో ఒకరికి మించిన సంతానాన్ని కోరుకుంటారు. కాని, మీరు కనుక ఒకే బిడ్డ కావాలనుకుంటే, మీరు ఫెర్టిలిటీ డాక్టర్ ను ఒకే పిండాన్ని మీ గర్భంలో ప్రవేశ పెట్టమని కోరాలి. కాని ఆ ఒక్కటి విజయవంతం కాకపోతే మీకు సమస్య ఎదురయ్యే అవకాశం వుంటుంది. అయినప్పటికి వైద్యులు ఒక్క పిండాన్నే మీ గర్భంలో ప్రవేశ పెట్టి, ఒకే బిడ్డకు జన్మనిచ్చేలా కూడా చేసే రిస్కు తీసుకుంటారు.