మహిళలు గర్భనిరోధక మాత్రలు ఎందుకు వాడరు?

Basics

oi-Nageswara

By B N Sharma

Published: Friday, May 11, 2012, 11:01 [IST]

మహిళలలో చాలామంది గర్భనిరోధక మాత్రలను వాడటానికి ఇష్టపడరు. వారికి ఇష్టం వచ్చిన సాధనాలు మాత్రమే ఆచరిస్తారు. వాస్తవానికి ఈ మాత్ర కనిపెట్టటమనేది ఈ తరం మహిళలకు ఎంతో స్వేచ్ఛి నిచ్చింది. వాస్తవానికి ఈ గర్భనిరోధక మాత్ర కనిపెట్టటమనేది పురుష - మహిళల సంబందాలలో ఎంతో మార్పు తెచ్చింది. చాలామంది స్వంతంగా మాత్రలు వాడి గర్భ నిరోధకత కలిగించుకోటానికి ఇష్టపడ్డారు. సుమారు రెండు సంవత్సరాల క్రిందట ఈ మాత్ర దాని 50 వ వార్షికోత్సవం జరుపుకుంది. మరి అంత అద్భుత ప్రయోజనం కల ఈ మాత్రలను మహిళలు వాడటానికి ఎందుకు ఇష్టపడరు? గర్భ నిరోధక మాత్రలను అందరూ అనుమానంగా ఎందుకు చూస్తారనేదానికి కారణాలు చాలా వున్నాయి. వాటిలో కొన్ని వాస్తవమైనప్పటికి, మరికొన్ని అపోహలే.

మహిళలు గర్భనిరోధక మాత్రలు వాడరు? ఎందుకని?
1. వాటిగురించిన భయంకర గాధలు వినివుంటారు. ఈ మాత్ర ఇచ్చే దుష్ప్రభావాలను వారి తల్లులు, అత్తలు, లేదా ఇతర సోదరీమణులనుండి భయంకరంగా వినివుంటారు. వీరు కనుక వాటిగురించి బాగా తెలుసుకుని వుంటే భయపడేవారుకాదు. అపోహలు తొలగించటం కష్టమే.

2. పాత జనరేషన్ మాత్రలు - గర్భనిరోధక మాత్రలు రెండు రకాలు. మహిళలకు పాత తరం మాత్రలు చాలా దుష్ప్రభావాలు చూపివుండవచ్చు. అయితే, నేడు తయారవుతున్న మాత్రలు అంటే కొత్త తరం వాటిలో ప్రొజెస్టిరోన్లు చాలా తక్కువగా వుంటున్నాయి. సైడ్ ఎఫెక్టులనేవి అసలు లేవు. ఈ మార్పులను మహిళలు సరిగా గమనించటం లేదు.

3. కష్టం ఎక్కువ - గర్భనిరోధక మాత్రలను ప్రతిరోజూ నిర్దేశిత సమయాలలోనే తీసుకోవాలి. బిజీగా వుండేవారైతే మరచిపోవటం జరుగుతుంది. ఇక అటువంటపుడు ఆ మాత్ర ఎంతో ఇబ్బందిపెడుతుంది. సాధారణంగా మనకు ఏదీ సరైన సమయానికి చేసే అలవాటు వుండదు. కనుక ఈ మాత్రను సరైన సమయంలో వేయటం కష్టంగా వుంటుంది.

4. సరిగ్గా లవ్ చేసుకోవటమే లేదు - చాలామంది జంటలు తరచుగా తాము రతిక్రీడలో పాల్గొనటం లేదుకదా అని కూడా వాటిని రెగ్యులర్ గా వాడరు. ఎపుడో ఒక సారి చేసుకునే రతికి ప్రతిరోజూ మాత్రలు మింగటమా అని కూడా అశ్రద్ధ చేస్తూంటారు. గుర్తు వచ్చినపుడు ఓ పిల్ నోట్లో వేస్తూ కాలక్షేపం చేస్తారు. ఇది అనారోగ్యం కలిగిస్తుంది.

5. అనేక యాక్సిడెంట్లు - గర్భనిరోధక మాత్ర వేసినప్పటికి గర్భం వచ్చేస్తుందని బంధువులు, స్నేహితులు చెప్పారని కూడా మహిళలు అంటారు. ఫలితాలు కనపడాలంటే ఈ మాత్ర కనీసం ఒక నెలరోజులైనా తీసుకోవాలి. అయితే, ప్రతిరోజూ ఒకే సమయానికి తీసుకోవాలి. మరిచిపోయారా...గర్భం వచ్చిందే.

అది మహిళల గర్భనిరోధక మాత్ర అయినప్పటికి, మహిళలకు వాటికి అస్సలు పొంతనే కుదరడం లేదు.