ప్రెగ్నెన్సీ సమయంలో ఒమేగా త్రీ ఫ్యాటీ యాసిడ్స్ అవసరమేంటి ?

ప్రెగ్నెన్సీ సమయంలో తీసుకునే ఆహారం విషయంలో చాలా జాగ్రత్తలు అవసరం. తీసుకునే ప్రతి ఫుడ్ లోనూ పోషకాలు ఉండేలా చూసుకోవాలి. ముఖ్యంగా గర్భధారణ సమయంలో ఒమేగా 3 కొవ్వు ఆమ్లాలు కీలక పాత్ర పోషిస్తాయి. ఒమేగా 3 ఫ్యాటీ యాసిడ్స్ కడుపులో బిడ్డ పెరుగుదల, అభివృద్ధి బాధ్యత తీసుకుంటాయి. ఒమేగా 3 ఫ్యాటీ యాసిడ్స్ తీసుకునే ఆహారం ద్వారా పొందేలా జాగ్రత్త తీసుకోవాలి. వీటిని ఎక్కువగా ఫ్లాక్స్ సీడ్స్, చమురు, చేపల నుంచి పొందవచ్చు.

ఒమేగా 3 ఫ్యాటీ యాసిడ్ కడుపులో బిడ్డ శరీరం, నరాలు, ఎదుగుల మొదలైనప్పటి నుంచి కీలకమైనది. తక్కువగా ఒమేగా 3 ఫ్యాటీ యాసిడ్స్ తీసుకోవడం వల్ల పోషకాహార లోపం తలెత్తే ప్రమాదం ఎక్కువగా ఉంది. అలాగే ఒమేగా 3 ఫ్యాటీ యాసిడ్స్ డెలివరీ సమయంలో ఇబ్బందులను నివారించడంలో ముఖ్యమైనవి. అలాగే గుండె ఆరోగ్యానికి కూడా మంచిది.

ఒమేగా 3 కొవ్వు ఆమ్లాలు తగినంత తీసుకోవడం వల్ల ప్రోస్టాగ్లాండిన్స్, సమతుల్య ఉత్పత్తి నిర్వహిస్తుంది. ప్రోస్టాగ్లాండిన్స్ రక్తపోటు, రక్తం గడ్డ కట్టడం, నరాల ప్రసార మరియు ఇతర అలెర్జీ ప్రతిస్పందనలు సహా ముఖ్యమైన మానసిక విధులు నియంత్రించేందుకు సహాయం. ఇది మెదడు పనితీరును మెరుగుపరుస్తుంది మరియు గుండె సమస్యలను నిరోధిస్తుంది. ఇంతకీ ప్రెగ్నెన్సీ సమయంలో ఒమేగా త్రీ ఫ్యాటీ యాసిడ్స్ అవసరమేంటో తెలుసుకుందాం..

పిండం అభివృద్ధి:
గర్భధారణ సమయంలో ఒమేగా 3 ఫ్యాటీ యాసిడ్స్ తీసుకోవడం వల్ల కడుపులో బిడ్డ అభివృధ్ధికి సహాయపడతాయి. బిడ్డ ఎదుగుదలలో ఎలాంటి సమస్య లేకుండా.. ఇవి సహకరిస్తాయి.

ప్రీ టర్మ్ బర్త్:
ప్రీటర్మ్ బర్త్ అనేది.. చాలా ప్రమాదకరమైనది. ఇది కొన్ని సందర్భాల్లో మరణానికి కూడా కారణమవుతుంది. ఒమేగా 3 ఫ్యాటీ యాసిడ్స్ తీసుకోవడం వల్ల ప్రొస్టాగ్లాండిన్ ఉత్పత్తి పెరుగుతుంది. అలాగే ప్రీక్లాంప్సియా ప్రమాదాన్ని కూడా ఇవి తగ్గిస్తాయి.

డిప్రెషన్:
గర్భధారణ సమయంలో డిప్రెషన్ చాలా సాధారణం. దీనివల్ల గర్భంపై దుష్ర్పభావం చూపుతుంది. కాబట్టి ప్రెగ్నెన్సీ సమయంలో ఒమేగా త్రీ ఫ్యాటీ యాసిడ్స్ తీసుకోవడం వల్ల డిప్రెషన్ ను అధిగమించవచ్చు.

విజువల్ అభివృద్ధి:
ఒమేగా 3 కొవ్వు ఆమ్లాలు నరాల అభివృద్ధి, చూపు అభివృద్ధికి చాలా అవసరం. చూపు సమస్యలు, నరాల బలహీనత వంటి ఇబ్బందులు ఒమేగా -3 ఫ్యాటీ యాసిడ్స్ లోపం కారణంగా ఎదురవుతాయి. కాబట్టి వీటిని డైట్ లో చేర్చుకోవడం అవసరం.