ప్రెగ్నెన్సీని హ్యాపీగా ఎంజాయ్ చేయాలి అనడానికి కారణాలు..!

ఆదరణ

మీకు తెలియని వాళ్లు కూడా మిమ్మల్ని ప్రెగ్నంట్ గా చూసి.. మీవైపు స్మైల్ ఇస్తారు. బస్ లో మీకు సీటు ఇస్తారు. జాగ్రత్తగా ఉండమని.. చెప్పకనే చెబుతారు. మీ చుట్టు పక్కలవాళ్లు అందరూ మిమ్మల్ని ఎంతగానో ఆదరిస్తారు.

ఒంటరి కాదు

ప్రెగ్నెంట్ అయిన తర్వాత ఏమో గానీ.. మీ పొట్టలో బేబీ పెరిగే కొద్దీ మీలో చాలా సంతోషం ఉంటుంది. అంతేకాదు.. కొద్దిగా పొట్ట పెరుగుతుంటే.. మీరు ఒంటరిగా ఉన్నా.. తోడు ఉన్నారన్న ఫీలింగ్ కలుగుతుంది. బేబీ మీతోనే ఉన్నారన్న అనుభూతి చాలా సంతోషకరంగా ఉంటుంది.

జుట్టు, స్కిన్

ఈస్ట్రోజెన్ లెవెల్స్ పెరగడం వల్ల.. మీకు చాలా అనుకూలంగా మారుతుంది. చాలామంది గర్బిణీ స్త్రీలు ఈ సమయంలో.. చాలా హెల్తీగా, షైనీగా కనిపిస్తారు. జుట్టు, చర్మం, గోళ్లు అందంగా మారతాయి. ఎలాంటి క్రీములు అప్లై చేయకపోయినా.. చాలా గ్లోయింగ్ గా కనిపిస్తారు.

9వ నెలలో ఊహలు

9 నెలలు నిండిన గర్భిణీలో ఊహలు.. చాలా అద్భుతంగా ఉంటాయి. నిద్రలేచింది మొదలు.. ఎన్నో అనుభవాలు, ఉత్సాహం, అంతా అద్భుతంగా ఉంటుంది. అయితే కొంచెం భయం, ఆందోళన ఉన్నప్పటికీ.. ఎవరు పుడతారో, ఎలా ఉంటారో అన్న సంతోషం రెట్టింపు ఉంటుంది.

ఆరోగ్యకరమైన సమయం

తొమ్మిది నెలల పాటు.. హెల్తీ డైట్, సరిపడా నిద్ర, రకరకాల టిప్స్ ఫాలో అవడం వల్ల.. జీవితంలో మీరు ఉండే అత్యంత ఆరోగ్యకరమైన సమయం ఇది. అందుకే ఇది మీ జీవితంలోనే అత్యంత ఆరోగ్యకరమైన సమయం అని చెప్పవచ్చు.

బరువు పెరగడం

ఎలాగూ గర్భధారణ సమయంలో బరువు పెరగడం ఖాయం. కాబట్టి.. మీకు ఏది తినాలనిపిస్తే అది తినడం, శరీరం ఏం కోరుకుంటే అది చేసేయండి. ఏ టైంలో ఏది తినాలనిపించినా.. తినేయాలి. క్యాలరీలు తీసుకుంటున్నామన్న బెంగ అవసరం లేదు.

ఏం చేయాలనిపిస్తే అది..

ప్రెగ్నెన్సీ టైంలో మీకు ఏది చేయాలి అనిపిస్తే.. అది చేసే అధికారం మీకు ఉంది. ఎలాంటి పొరపాటు చేసినా, ఎలాంటి నిర్ణయం తీసుకున్నా.. మీకు అడ్డుచెప్పేవాళ్లు ఉండరు. కాబట్టి.. చాలా సెల్ఫిష్ గా ఉండటమే మంచిది.