మీ పిల్లలు పదే పదే అనారోగ్యానికి గురవుతున్నారా? దీని వెనుక అసలు కారణం తెలిస్తే షాక్ అవ్వాల్సిందే

మారుతున్న రుతువులతో పాటు మనల్ని మనం జాగ్రత్తగా చూసుకోవడం కూడా చాలా ముఖ్యం. సాధారణంగా మన శరీరం తరచుగా వేడి, చలి వాతావరణంలో అనారోగ్యానికి గురవుతుంటది. అయితే చిన్న పిల్లల్లోనే ఈ సమస్య ఎక్కువగా కనిపిస్తుంటుంది. కొన్నిసార్లు పెద్దలు చేసే చిన్న చిన్న తప్పులు పిల్లల ఆరోగ్యంపై చాలా చెడు ప్రభావాన్ని చూపుతాయి. పెద్దల కొన్ని అలవాట్ల వల్లనే పిల్లలు తరచూ అనారోగ్యానికి గురవుతుంటారు. అయితే అనారోగ్యానికి గురైనప్పుడు హాస్పిటల్ కి పరుగెత్తడం కన్నా దానికి కారణం కనుగొని నివారించడం ముఖ్యం.

శీతాకాలం చివరిలో శరీరంపై శ్రద్ధ చూపడం చాలా ముఖ్యం అని పిల్లల డాక్టర్లు అంటున్నారు. ఇది వ్యాధి, ఇన్ఫెక్షన్ గరిష్ట స్థాయికి చేరుకున్న సమయం కాబట్టి దీనిని నివారించడానికి ఇమ్యూనిటీ పవర్ ని పెంచుకోవాలని సూచిస్తన్నారు. తల్లిదండ్రులు తెలియకుండానే చేసే పొరపాట్లు ఏంటీ, అవి వారి పిల్లల ఆరోగ్యంపై ఎలాంటి ప్రభావం చూపుతాయో ఇప్పుడు చూద్దాం.

బయటి నుంచి ఇంట్లోకి వచ్చేటప్పుడు

బయటి నుండి ఇంటికి వచ్చినప్పుడు ముందుగా సబ్బుతో చేతులు శుభ్రంగా కడుక్కోవాలి. చాలా మందికి తమ పిల్లలను బయటి నుండి వచ్చిన తర్వాత లేదా వారితో ఆడుకోవడం ప్రారంభించిన తర్వాత శుభ్రం చేయకుండా లేదా ఫ్రెష్ చేయకుండా తీసుకెళ్లే అలవాటు ఉంటుంది. కానీ మీరు దీన్ని అస్సలు చేయకూడదు. ఎందుకంటే మీరు బయటి నుండి వచ్చినప్పుడు మీరు చాలా వస్తువులను తాకుతారు దీనివల్ల మీ చేతులపై బ్యాక్టీరియా గణనీయంగా పెరుగుతుంది. ఈ బ్యాక్టీరియాకు గురికావడం వల్ల మీ పిల్లలు చాలా త్వరగా అనారోగ్యానికి గురవుతారు.

మంచం మీద బ్యాగులు, సూట్‌ కేసులు
చాలా సార్లు మనం ఆఫీసు నుండి లేదా పని ప్రదేశం నుంచి ఇంటికి తిరిగి వచ్చిన తర్వాత మన బ్యాగులను మంచం మీదనే వదిలివేస్తాము. కానీ ఇలా చేయడం ఏ మాత్రం మంచిది కాదు. ఎందుకంటే ఈ సంచులు రోజంతా వీధుల్లో తిరుగుతూనే ఉంటాయి.. ఇక్కడ, అక్కడక్కడ ఉంచబడతాయి. దీనివల్ల అందులో బ్యాక్టీరియా పెద్ద సంఖ్యలో పెరుగుతుంది. ఇది మీ పిల్లలు ఈ మంచంలో నిద్రపోతున్నప్పుడు లేదా ఆడుకుంటున్నప్పుడు అనారోగ్యానికి గురయ్యే అవకాశాలను గణనీయంగా పెంచుతుంది.

బట్టలు మార్చకపోవడం
ప్రతిరోజూ ఉతికిన బట్టలు వేసుకున్నా కూడా పని నుంచి లేదా ఆఫీసు నుంచి ఇంటికి తిరిగి వచ్చి నేరుగా మంచం మీద పడుకోకూడదు. రోజంతా ఈ బట్టలు ధరించి పనిచేస్తారు.. వీటిలో దుమ్ము, ధూళి మాత్రమే కాకుండా ఇన్ఫెక్షన్లను వ్యాప్తి చేసే బ్యాక్టీరియా కూడా ఉంటుంది. కాబట్టి అవి పూర్తిగా మురికిగా, బ్యాక్టీరియాతో నిండి ఉంటాయి. అటువంటి పరిస్థితిలో మీరు ఈ బట్టలు ధరించి మీ పిల్లలను తాకినప్పుడు ఈ బ్యాక్టీరియా అంతా వారికి కూడా వ్యాపిస్తుంది. మీ పిల్లలు అనారోగ్యానికి గురికాకూడదనుకుంటే వీలైనంత త్వరగా ఈ అలవాట్లను వదిలేయాలని నిపుణులు చెబుతున్నారు.

ఇంట్లో చెప్పులు
మీరు బయట ధరించే చెప్పులు ఎప్పుడూ ఇంటికి తీసుకురావద్దు. ఈ బూట్లలో వీధి బ్యాక్టీరియా ఉంటుంది. అవి చాలా మురికిగా కూడా ఉంటాయి. మీకు చెప్పులు ఇంట్లోనే ఉంచుకునే అలవాటు ఉంటే మీరు త్వరగా ఈ అలవాటును మానేయాలి. ఎందుకంటే ఇంట్లోని చిన్న పిల్లలు ఆడుకుంటూ ఎక్కువ సమయం గడుపుతారు. అటువంటి పరిస్థితిలో నేల మురికిగా ఉన్నప్పుడు మీ పిల్లలు కూడా దానిని తాకడం ద్వారా అనారోగ్యానికి గురవుతారు.