Fathers Day 2023: ఫాదర్స్ డే సందర్భంగా మీ తండ్రికి ఈ ఆర్థిక బహుమతులు ఇవ్వండి

ఫాదర్స్ డే సందర్భంగా ప్రతి ఒక్కరూ తమ తండ్రిని ప్రత్యేకంగా చూడాలని కోరుకుంటారు. ఏదైన బహుమతి ఇచ్చి సర్‌ప్రైజ్‌ చేయాలనుకుంటారు. మీరు కూడా ఈ ఫాదర్స్ డేను ప్రత్యేకంగా మార్చాలనుకుంటున్నారా.. ఏదైన ప్రత్యేకమైన, పనికొచ్చే బహుమతి ఇవ్వాలనుకుంటే.. వీటిని ప్రయత్నించండి.

ఇవి కేవలం బహుమతులే కాదు, ఆపదలో ఆదుకుంటాయి కూడా. అవసరంలో మద్దతుగా నిలుస్తాయి. ఆ బహుమతులు ఏమిటో ఇప్పుడు తెలుసుకుందాం.

1. పోస్టాఫీసు నెలవారీ ఆదాయ పథకం:
మీ తండ్రికి ఈ పనికొచ్చే బహుమతిని ఇవ్వొచ్చు. ఏక మొత్తంలో డిపాజిట్ చేస్తే.. నెలవారీ పెన్షన్ మాదిరిగా నిర్ణీత మొత్తంలో ప్రయోజనం అందుతుంది. ఈ పథకం కింద, 7.1 శాతం వడ్డీ రేటు లభిస్తుంది.

ఇది కాకుండా, బ్యాంకులు సీనియర్ సిటిజన్లకు అదనపు వడ్డీ రేటు ప్రయోజనాన్ని అందిస్తాయి. కాబట్టి మీరు ఫిక్స్‌డ్‌ డిపాజిట్ కూడా పొందవచ్చు. అటువంటి పరిస్థితిలో, ఈ ఫాదర్స్ డే నాడు మీరు మీ తండ్రి కోసం బ్యాంకులో ఫిక్స్‌డ్ డిపాజిట్ కూడా వేయవచ్చు.

2. రిటైర్‌మెంట్‌ ప్లాన్:
మీ తండ్రికి సరిపోయే రిటైర్‌మెంట్‌ ప్లాన్ ను ఎంచుకుని అందులో పెట్టుబడి పెట్టవచ్చు. తండ్రి పదవీ విరమణ తర్వాత భవిష్యత్తులో ఆర్థిక సమస్యలు ఎదురుకావడమే కాకుండా జీవన వ్యయం కూడా ఉంటుంది. ఈ రోజుల్లో వైద్యం కోసం చాలా ఖర్చు చేయాల్సి వస్తోంది.

కాబట్టి మీ తండ్రి కష్టపడి సంపాదించిన డబ్బును కష్టకాలంలో ఖర్చు కాకుండా ఉండాలంటే సరైన ఆరోగ్య బీమా తీసుకోవడం కూడా మంచిది. ఈ బహుమతి మీ తండ్రికి సరైనదని నిరూపించవచ్చు.

3. మ్యూచవల్ ఫండ్లలో పెట్టుబడి:
మ్యూచువల్ ఫండ్స్ లో పెట్టుబడి పెట్టడం చాలా సులభం. మ్యూచువల్ ఫండ్ అనేది చాలా మంది పెట్టుబడిదారుల డబ్బును మొదట ఒకే చోట డిపాజిట్ చేసి, ఆ ఫండ్ యొక్క డబ్బును బాండ్లు, షేర్ మార్కెట్‌తో సహా అనేక ప్రదేశాల్లో పెట్టుబడి పెడుతుంది. మ్యూచువల్ ఫండ్స్ అసెట్ మేనేజ్‌మెంట్‌ కంపెనీలు నిర్వహిస్తాయి.

మ్యూచువల్ ఫండ్స్ లో పెట్టుబడి పెట్టడం వల్ల చాలా ప్రయోజనాలు ఉన్నాయి. నెలకు కొంత మొత్తంలో సిప్ తరహాలో పెట్టుబడి పెట్టినా, ఒకేసారి పెద్ద మొత్తంలో పెట్టుబడి పెట్టినా దాని నుంచి మంచి ఫలితం పొందవచ్చు.