బాబుకు హాలీవుడ్...పాపకు లేయర్డ్... కట్ చేస్తే...!

Kids

oi-Nageswara

By B N Sharma

Published: Saturday, October 22, 2011, 10:46 [IST]

నేటి రోజుల్లో పిల్లలను హెయిర్ కట్ కు తీసుకు వెళ్ళాలంటే చాలా కష్టం. అదివరకు రోజుల్లో పిల్లలకు హెయిర్ కట్ చేయించాలంటే మనం ఎలా చెపితే వారు అలా చేయించుకోనే వారు. కాని ఇపుడు చిన్న పిల్లలు సైతం ఆధుని ఫ్యాషన్లకు అలవాటు పడి హెయిర్ కట్ స్టైల్ కొరకు పెద్దలు చికాకు పడేలా ఎన్నో రకాలుగా చేయించుకొంటున్నారు. అయినప్పటికి పిల్లలకు అవసరమైన చిన్నపాటి స్టైల్ కల హెయిర్ కట్ వారి వయసులకు తగ్గట్లు ఎలా వుండాలో కొన్ని చూడండి.

1. క్లాసిక్ క్రూ లేదా బజ్ కట్ - మీ అబ్బాయికి హాలీవుడ్ యాక్షన్ చిత్రాలు ఇష్టమా? అయితే, వెంట్రుకలు పొట్టిగా వుండే స్టైల్ చేయించండి. మెయిన్టెనెన్స్ చాలా తేలిక. పని తొందరలో దువ్వక పోయినా పరవాలేదు.

2. బాబ్ కట్ - ఈ తరహా హెయిర్ కట్ మన చిన్నతనం నుండి ఫ్యాషన్ గానే వుంది. కాని ఇందులోనే వెరైటీలు వచ్చాయి. కనుక మీ అమ్మాయికి లోతట్టు రింగులా ? లేక లేయర్డు రింగులా అనేది ఆమెకే వదిలేయండి.

3. స్పైక్ టైప్ - ఇది పొట్టిగాను గట్టిగాను పిల్లలకు తీర్చిదిద్దే హెనయిర్ కట్. స్కూలు క్రమశిక్షణ అనుమతిస్తే పొట్టిగా పైకి లేచి నించునే ఈ తరహా హెయిర్ కట్ పిల్లలకు బాగుంటుంది.

4. ఫ్రింజెస్ - ఇది పిల్లలకు తగినదైనా పెద్దలు కూడా ఫ్యాషన్ కొరకు దీనిని వాడుతున్నారు. ఈ రకం జుట్టుతో పోనీ టెయిల్, పిగ్ టెయిల్ లేదా కురుచగా వదిలేయటం కూడా చేయవచ్చు. వెంట్రుకలు బాగా కత్తిరించాలి లేకుంటే, మీ చిన్నారి కళ్ళలోకి పడే ప్రమాదం వుంది.

5. బౌల్ కట్ - ఇది పిల్లలకు చాలా సరి అయినది. పాత కాలం నుండి ఫ్యాష్ గానే వుంది. పిల్లలు మగ అయినా లేక ఆడవరు అయినా ఈ కట్ అద్భుతంగా వుంటుంది. సింపుల్ గా వుంటుంది. కట్ ఏదైనప్పటికి, అది వారి వయసుకు తగినట్లు, వారికి మనకి సౌకర్యవంతంగా వుండేట్లు చేయించాలి. ముందుగా పిల్లలకు వివరించి అది బాగుంటుంది...అని వారు నమ్మేలా చేయండి. మీ పని తేలికవుతుంది.