పిల్లల వ్యక్తిత్వం పెరగాలంటే?

1. పిల్లలను శిక్షించకండి. మాటలతో తిట్టి గాయపరచకండి. తల్లి తండ్రులు ఇచ్చే ప్రేమానురాగాలు వారిని భవిష్యత్తులో మంచి వ్యక్తిత్వం కలవారిగా తీర్చిదిద్దుతాయి.
2. చిన్నతనంలో మీరూ ఎన్నో తప్పులు చేసి వుంటారు. కనుక తప్పులు జరిగినప్పటికి వాటిని వివరిస్తూ పిల్లాడి మనసు గెలవండి. అవసరానికే సలహా ఇవ్వండి. అధికంగా సలహాలిస్తే, ఏదీ సీరియస్ గా తీసుకోడు. గత తప్పులు ఎత్తి చూపితే, మొండిగా తయారవుతారు.
3. అతని అవసరానికి వెంట వుండండి. కష్టాలలో స్నేహితులవలే ఆదుకోండి. మంచి పని చేస్తే అభినందించండి. ఇవి మీ మధ్య సంబంధాలను మెరుగుపరుస్తాయి.
4. పిల్లలకు బహుమతులివ్వండి. అవసరమైన వస్తువులు బహుమతిగా ఇస్తే, ఆనందపడతారు. అంతే కాక, దొంగిలించాలని, అబద్ధం చెప్పాలని, రహస్యంగా వుండాలన్నవి వారి మైండ్ కు రావు.
5. పిల్లాడి మనసు గెలవాలంటే మంచి ఆహారం ఇవ్వాలి. వారాంతపు సెలవలలో లేదా పుట్టిన రోజున వారికిష్టమైన ఆహారాలు ఇచ్చి సంతోష పెట్టండి. వారు మరచిపోరు. రుచికర ఆహారం శారీరకంగా మానసికంగా తృప్తి నిచ్చి ఆనందం ఇస్తుంది.

కష్టపడి పనిచేయాలని, వ్యక్తిత్వం పెంచుకోవాలని, కుటుంబ గౌరవం కాపాడలని మొదలైన విలువలు నిరంతరం బోధించండి. పిల్లవాడి మనసును గెలవాలంటే ఇవే మార్గాలు.