అతి చురుకుగా వుండే పిల్లలతో సమస్యా?

Kids

oi-Nageswara

By B N Sharma

Published: Thursday, October 27, 2011, 11:59 [IST]

పండుగలు, పార్టీలు, వారాంతపు సెలవులు, ఈ సమయాలలో అతి చురుకుగా వుండే పిల్లలతో వ్యవహరించటం చాలా కష్టంగా వుంటుంది. ఎంతో అల్లరి చేస్తారు. వస్తువులు పగులకొడుతూంటారు. పెద్దల సహనాన్ని పరీక్షిస్తారు. తిట్టటం ఒక పరిష్కారమే కాని అది వారి ప్రవర్తనను మార్చదు. కనుక ఈ రకం హైపర్ యాక్టివ్ పిల్లలను ఎలా సముదాయించాలనేది పరిశీలిద్దాం...

1. కఠినంగా వుండాలి - మీకు కొన్ని పనులు ఇష్టం వుండవని మీ పిల్లాడు తెలుసుకునేలా వుండండి. కొన్ని నిబంధనలను రాసి మీ బిడ్డ రూమ్ ప్రవేశ ద్వారం వద్ద అంటించండి. వాడు అల్లరి చేస్తే మీరు నవ్వటం లేదా మెచ్చుకోడం వంటివి చేస్తే నియంత్రణ తప్పుతుంది. మీరు లేనపుడు కుటుంబంలోని సభ్యలు కూడా అలానే కఠినంగా వుండాలి. కళ్ళతో సూచిస్తే చాలు బిడ్డ దానిని పాటించేలా మీరు చేయాలి.
2. క్రమశిక్షణలో పెట్టండి. - పిల్లలు పెద్దలను చూసే నేర్చుకుంటారు. కనుక ప్రతిదానికి రొటీన్ పెట్టి దానిని ఆచరించండి. ఆటలు, చదువు, తినటం, నిద్రించటం మొదలైనవాటికి సమయం పెట్టండి. దానిని తప్పకుండా ఆచరించాలని తెలుపండి.
3. ఆలోచించనివ్వండి - పిల్లలు పుస్తకాలు చదవటం వంటివి చేయాలి. పెయింటింగ్, పాట, లేదా ఏవైనా వాయిద్యాలు వంటివి వారి సృజనాత్మకతనను పెంచేవిగా వుండాలి. దీనితో వారు కొంత అల్లరి తగ్గిస్తారు. పార్కులకు వెళ్ళడం, స్విమ్మింగ్, ఇతర వినోదాలు కూడా వారి ఎనర్జీ అంతా అయిపోయేవారకు ఆచరించనివ్వండి.
4. వ్యాయామం - పిల్లాడు చాలా ఎనర్జీతో వుంటాడు. కనుక వ్యాయామం వంటివి చేయిస్తే ఫిట్ గా వుండటమే కాదు. అతిచురుకు పనుల నష్టాలుండవు.

అతి చురుకుగా వుండే పిల్లలను కొట్టడం లేదా తిట్టడం చేయవద్దు. ఈ చర్యలు వారిని మరింత అల్లరికి, మొండి తనానికి ప్రేరేపిస్తాయి. మీరు ప్రశాంతంగా వుంటూ వారి కిష్టమైన కళాత్మక పనులకు ప్రోత్సహించండి.