పిల్లల హోం వర్క్ సమస్యగా వుందా?

Kids

oi-Nageswara Sharma

By B N Sharma

Published: Wednesday, August 24, 2011, 9:33 [IST]

సాధారణంగా హోం వర్క్ లేదనుకుంటే పిల్లలు ఎంతో ఆనందంగా ఇంట్లో ఆడేస్తుంటారు. అయితో, స్కూలులో సిలబస్ కవర్ చేయటానికి లేదా విద్యారు్ధులు అత్యధిక మార్కులు పొందాలని టీచర్లు ఎంతో కొంత హోం వర్కును వారికికి ఇస్తూనే వుంటారు. మీ చిన్నారికి గల ఈ సమస్యను అధిగమించటానికిగాను దిగువ చిట్కాలు పాటించండి.

1. మొదటగా హోం వర్క్ పిల్లాడితో చేయించటం మీరు సమస్యగా భావిస్తున్నారనేది వానికి తెలియజేయకండి. స్కూలుకు వెళ్ళటం, స్నేహితులతో ఆడుకోడం, డిన్నర్ చేయటం ఎలా సాధారణం అనుకుంటాడో అదే విధంగా హోం వర్కు పూర్తి చేయటం కూడానని భావించనీయండి.

2. టి.వి. ధ్వనులు, ఇతరాలు లేకుండా ఇంట్లో అతనికి ఒక ప్రయివేటు స్ధలాన్ని కేటాయించి అక్కడే హోం వర్కు చేయాలని చెప్పండి.

3. పిల్లల స్టడీకి ఇంట్లో కొంత సమయాన్ని కేటాయించాలి. ఈ సమయం డిన్నర్ కు ముందు లేదా తర్వాత వుండేలా చూడండి.

4. పిల్లవాడి హోం వర్కుకు అవసరమైన స్టేషనరీ, క్రాఫ్ట్ పేపర్ మొదలైనవి అందుబాటులో ఉంచండి. అక్కడే ఒక బుల్లెటిన్ లేదా నోటీస్ బోర్డు కూడా పెట్టి అతను ఏం చేయాలనేది వరుస క్రమంలో రాయండి.

5. పిల్లవాడితో కూర్చొని హోం వర్కు జాబితా చూడండి. ముందు చేయాల్సినవన్నీ బోర్డుపై రాసి వాటిని చేయమనండి. పిల్లవాడు కొంచెం పెద్దవాడైతే ఆ జాబితా బోర్డుపై కూడా రాయమని అడగండి. కొన్ని పనులకు అధిక సమయం కావలసి వస్తుంది. వాటిని వారాంతపు సెలవులలో చేయమనండి.

6. పిల్లవాడు మరీ చిన్నవాడైతే, హోంవర్కు తక్కువగానే వుంటుంది. కనుక అతను చేసటంత వరకు పక్కనే కూర్చోండి. ఇలా కొంతకాలం సాగితే ఇక పిల్లవాడు వాడంతట వాడే హోంవర్కు చేస్తాడు.

7. పిల్లవాడికిగల సమస్యలను గుర్తించండి. లేదా అతను ఎందులో వెనుకబడి వున్నాడో పరిశీలించండి. ఆయా సబ్జక్టులలో అతను కృషి చేసేటందుకు సహకరించండి. దీంతో అతనికి మరల ఆ సబ్జక్టుపై పని చేసేటపుడు విశ్వాసం ఏర్పడుతుంది.

8. పెద్ద పిల్లలైతే వారంతట వారే హోం వర్క్ భాధ్యతను నిర్వహించుకోగలరు. వారు అలా చేయటాన్ని ప్రోత్సహించండి. మీ సహకారం ఏదేనా కావలసి వుంటే అందించండి.

హోం వర్క్ అనేది అదనపు పని కాదని, చదువులో ఒక భాగం అని పిల్లవాడికి తెలియజెప్పండి. ఈ చిట్కాలు ఆచరించి పిల్లలు బాగా చదివేలా చేసి మీరు కూడా తల్లితడ్రులుగా మీ భాధ్యతను నెరవేర్చినట్లు ఆనందపడండి.