పిల్లలకు టి.వి. యే లోకంగా వుందా?

By B N Sharma

Published: Wednesday, December 7, 2011, 14:23 [IST]

పిల్లలు టి.వి. కార్యక్రమాలకు అతుక్కు పోయి అదే పనిగా రోజంతా చూస్తూ ఆనందించేస్తూంటే...నిస్సహాయంగా వున్నారా? పిల్లాడి ని మరో వ్యాపకంవైపుకు ఎలా మళ్ళించాలని ఆలోచిస్తున్నారా? అయితే కొన్ని చిట్కాలు పాటించండి. వాస్తవానికి ఏ పని చేసినా అతిగా చేస్తే అది చెడుగా ప్రభావిస్తుంది. అందునా వారివి చిన్నపాటి ఆలోచనా పరిధి. వారు ఏది చూస్తే అదే మనసుకు హత్తుకుపోతుంది. మరి అదేపనిగా దానిని చూస్తుంటే వారిలో చురుకుదనం తగ్గుతుంది కూడా.

- పిల్లలు టి.వి. చూసే అలవాటును పెద్దలనుండే నేర్చుకుంటారు. పిల్లలు గొడవచేస్తూంటే తల్లితండ్రులు వారికి లంచంగా టి.వి. ముందు కూర్చోపెడతారు. తల్లి తండ్రి ఇద్దరూ ఉద్యోగస్తులైతే, ఇక పిల్లాడికి టివి యే టైమ్ పాస్ గా వుంటుంది. కనుక ఇకపై మీ ఫ్రీ టైమ్ పిల్లలతో గడపండి. కనీసం మీరు పిల్లాడి దగ్గర వున్నపుడు టి.వి. కట్టేయండి.

- డిన్నర్ టైమ్ లో టి.వి. ఆన్ చేయకండి. ఆ సమయంలో కుటుంబ సభ్యులంతా టేబుల్ వద్ద కూర్చొని ఆరోజు సంగతులు మాట్లాడుకోండి.

- వీలైతే, లివింగ్ రూమ్ లో వున్న మీ టెలివిజన్ బెడ్ రూమ్ లోకి మార్చండి. దీనివలన రోజంతా వారు కూర్చునే లివింగ్ రూమ్ లో టి.వి. వుండదు కనుక తక్కువగా చూస్తారు. ఇక వేళ వారు బెడ్ రూమ్ లో చూసినప్పటికి మీ నియంత్రణ వుంటుంది.

- ఛైల్డ్ లాక్ తో టి.వి.లో కొన్ని హింసాత్మక సినిమాల ఛానెల్స్ బ్లాక్ చేయండి. వాడికి ఆసక్తి కొంతవరకు తగ్గుతుంది.

- పిల్లల బెడ్ రూమ్ లో టెలివిజన్ పెట్టవద్దు. టి.వి. వారి స్టడీస్ అశ్రధ్ధ చేసేలా చేస్తుంది.

టి.వి. కి అలవాటు పడిన పిల్లాడు, బయటకు వెళ్ళి నలుగురిలో కలిసి ఆడుకోక, చురుకుదనం పోయి మెత్తగా తయారవుతాడు. మీ పిల్లాడు టివికి బాగా అలవాటు పడిపోతే, ఇక వాడి మైండ్ మళ్ళించటానికి ఏదైనా క్రీడలలో ప్రవేశపెట్టాలి. మ్యూజిక్, డ్యాన్స్ లేదా ఆర్ట్ లేదా స్విమ్మింగ్, స్కేటింగ్ వంటివి వారిలో మంచి శారీరక, మానసిక ఎదుగుదలకు దోహదం చేస్తాయి.

ఈ చిట్కాలు పాటించి మీ పిల్లాడిని అతిగా టి.వి. చూసే అలవాటును మాన్పించండి.