మీ చిన్నారులు ఇష్టపడే రెయిన్ డ్యాన్స్.....!

Kids

oi-Nageswara

By B N Sharma

Published: Wednesday, September 21, 2011, 11:44 [IST]

వర్షాకాలంలో పిల్లలకు తగినజాగ్రత్తలు తీసుకోవాలి. అందులోనూ స్కూలుకు వెళ్ళే పిల్లలైతే మరిన్ని జాగ్రత్తలు అవసరం. మీ పిల్లలు వర్షంగా వున్నప్పటికి ఆసక్తి కరంగా స్కూలుకు వెళ్ళటానికి, ఆకర్షణీయంగా వుండటానికి కొన్ని జాగ్రత్తలిస్తున్నాం. పాటించండి. పిల్లలకు వర్షాకాల అవసరాలంటూ ఇపుడు కొన్ని షాపులు వస్తువులను అమ్మకాలు చేస్తున్నాయి. వర్షాలు లేక ఎండ వున్నప్పటికి మీ పిల్లలు ఈ వస్తువులను ఉపయోగించటానికి ఇష్టపడుతూంటారు. రంగురంగుల గొడుగులు, రెయిన్ కోట్లు మీ చిన్నారులకు వర్షాకాలంలో ఎంతో అందాన్ని ఇస్తూ వారు బయటకు వెళ్ళినా ఇబ్బందిలేకుండా చేస్తున్నాయి.

వర్షాకాల పిల్లల అవసరాలు - గొడుగు. గొడుగులు రకరకాల ఆకర్షణీయ రంగులలో అనేక ప్రింట్లలో బాలురకు, బాలికలకు వేరు వేరు డిజైన్లలో వస్తున్నాయి. తేలికగా వుంటాయి. సులువుగా వాడవచ్చు. వీటిని తెరవాలంటే పిల్లలు బాగా ఇష్టపడుతూంటారు. వీటిమీద వున్న రంగురంగుల బొమ్మలకు పిల్లలు ఇష్టపడి ఉపయోగిస్తారు. ఇవి చేతుల్లో వుంటే, మీ పిల్ల లేదా పిల్లాడు వర్షం వచ్చినపుడు తలదాచుకోడానికి అక్కడకు ఇక్కడకు పరుగెత్త నవసరం లేదు. ఇంటికి ఆలస్యంగా కూడా రానవసరం లేదు. కనుక వారికిష్టమైన ఒక గొడుగును చేతికివ్వండి.

మీ చిన్నారిని రంగు రంగుల పూలున్న రెయిన్ కోట్లలో ముంచేయండి. వర్షం వచ్చినా తడుస్తారని లేదా జలుబు చేస్తుందని సమస్య వుండదు. రెయిన్ కోట్లు అనేక బొమ్మలు కలిగి వుంటున్నాయి. వారి కిష్టమైన కార్లు, స్పైడర్ మాన్, దోరా, హన్నా, బార్బీ యువరాణి, డిస్నీ మొదలైన బొమ్మలు కలిగి వుంటాయి. నాణ్యతను బట్టి అందరికి అందుబాటు ధరలలో కూడా నేటి రోజుల్లో లభిస్తున్నాయి. కనుక మీ చిన్నారిని వర్షాకాలంలో రెయిన్ డ్యాన్స్ చేయించేయండి.