పిల్లల స్కూలు ముచ్చట్లు వినండి!

Kids

oi-Nageswara

By B N Sharma

Published: Monday, September 19, 2011, 13:47 [IST]

ఆధునిక నాగరికత రోజు రోజుకి పెరిగిపోతున్ననేటి రోజుల్లో, అన్నిటితోపాటు విద్యకు డిమాండ్ పెరిగిపోతోంది. ఈ కాలంలో పిల్లలు కూడా బోలెడు పుస్తకాలు చదవాల్సి వస్తుంది. చిన్న తరగతి పిల్లలకు కూడా బోలెడు హోంవర్క్ చేయవలసి వస్తోంది. హోంవర్క్‌ని బ్యాలెన్స్ చేసుకోవడం పిల్లలకు చాలా కష్టంగా ఉంటుంది. ఇంతే కాక స్కూళ్ళలో నిర్వహించే వివిధ కార్యక్రమాలు కూడా పిల్లలను చాలా బిజీ చేసేస్తున్నాయి. వారి నాలెడ్జి పరిధి రోజు రోజుకు పెరిగిపోతోంది. ఒత్తిడి ఎక్కువవుతోంది.

ఈ సమయంలో తల్లిదండ్రులు వారికి అండగా నిలవాలి. ఏ మాత్రం అశ్రద్ధ చేసినా పిల్లలు మానసికంగా అలజడికి గురయ్యే ప్రమాదం ఉంది. చిన్నారులు మళ్ళీ దారిలో పడేదాకా ఎలా అండగా ఉండాలో సూచిస్తున్నారు పేరెంటింగ్ రంగ నిపుణులు. ఆ సూచనలు మీ కోసం దిగువ పొందుపరచాం చూడండి.

1. ఒకవేళ కాస్త ఆలస్యంగా లేచినా స్కూలుకు తయారు కావడంలో వారికి సహాయపడటంలో. మీ తోడ్పాటు వారిలో ధైర్యాన్ని నింపుతుంది.

2. సాయంత్రం ఇంటికి రాగానే స్కూలుకు సంబంధించిన విశేషాలు అడిగి తెలుసుకోవాలి. దానివలన పిల్లలకు తల్లిదండ్రులతో స్నేహభావం పెంపొందుతుంది. స్కూలులో వారు చేయలేకపోయిన అంశాలేమైనా వున్నాయా అనేది తెలుసుకోవాలి.

3. క్లాసులో తోటి విద్యార్థులతో కానీ, టీచర్లతో కానీ ఏవైన ఇబ్బందులు ఉన్నాయేమో తెలుసుకొని, వాటిని పరిష్కరించే ప్రయత్నం చేయాలి.

4. హోవంర్క్‌లో చేదోడు వాదోడుగా ఉంటూ, వీలైనంతవరకు వారి చేతే చేయిస్తూ వారి సందేహాలను తీర్చాలి. వారికి హోం వర్కుకు అవసరమైన అన్ని వస్తువులు అందుబాటులో వుంచాలి.

కనీసం వారంతటవారు తమ హోం వర్కులు చేసుకునేటంతవరకు సరైన మార్గదర్శకత చూపుతూ వారికి అండగా వుండాలి.