ఎక్కడ కొనుగోలు చేస్తున్నాం?...!

By B N Sharma

Published: Wednesday, November 9, 2011, 10:53 [IST]

ఆహార సంబంధిత వ్యాధుల కారణంగా చాలామంది పిల్లలు, పసిబిడ్డలు మరణాలకుగురవుతూంటారు. సాధారణంగా గర్భవతుల్లోను, పిల్లలలోను వచ్చే లిస్టేరియా వ్యాధి తీవ్ర సమస్యలు కలిగించి మరణాలకు దారి తీస్తుంది. ఈ క్రిమి ఆహారం ద్వారా వ్యాధి కలిగిస్తుంది. ఎంతో ప్రమాదకరమైనప్పటికి లిస్టేరియా వ్యాధి నివారించగలిగిందే. అయితే, వ్యాధి వచ్చిన తర్వాత నయం చేసుకోడం కన్నా అసలు రాకుండా చూసుకోవడం మంచిది. ఈ వ్యాధి వస్తే, బరువు బాగా తగ్గటం, బలహీనపడటం, రోగ నిరోధక వ్యవస్ధ దెబ్బతినడం జరుగుతుంది. వ్యాధి నివారణకు కొన్ని జాగ్రత్తలు పరిశీలించండి.

కూరలు కొనే ప్రదేశం - కూరలు కొనే ప్రదేశం మురికిగా వున్నా, డ్రైనేజీల పక్కన వున్నా ఈ బాక్టీరియా కూరలపై వుండే అవకాశం వుంది.
కూరల ఎంపిక - కూరలలో కొన్ని పుచ్చులు లేదా చచ్చులు వుంటాయి. టమాటాలు రంగుపోయి పొడారినా వాటిని ఎంపిక చేయద్దు. నిగనిగలాడే ఆరోగ్యకర కూరలు కొనండి.
మాంసం - మాంసం కూడా లిస్టేరియా వ్యాధి కలిగించే బాక్టీరియాను కలిగి వుంటుంది. కనుక కొనేటపుడు దానిని వారు ఎలా నిలువ వుంచుతున్నారనేది చూడండి. తాజా మాంసం కొంటే అది పొడిగా వున్న మంచి దుకాణం నుండి కొనండి. రోడ్ సైడ్ మాంసం కొనవద్దు. గడువు ముగిసిన ప్యాకేజీలు కొనవద్దు.
నిలువ వున్న ఆహారాలు - ఫ్రిజ్ లో అధికంగా నిలువ వుంచిన పదార్ధాలు తినవద్దు. ఫ్రిజ్ లో నిలువ వుంచేటపుడు కూడా అన్ని పదార్ధాలు కలుపకుండా వేరు వేరు కవర్లలో నిలువ చేయండి.