ప్రేమ, ఆప్యాయతలే మార్పునిస్తాయి!

అందుకుగాను కింది చిట్కాలు పరిశీలించండి.
- వారికి ఆదర్శాలు పెట్టండి. పిల్లలు పెద్దలను అనుకరిస్తారు. వారినేదైనా ఆచరించమనే ముందర మీరు ఆచరిస్తూ వుండాలి.
- పిల్లలు బయటకు వచ్చినపుడు అల్లరి చేస్తూవుంటే, సహనంగా వుండి వారికి చేయరాదని తెలుపండి. అప్పటికి వినకపోతే గట్టిగా చెప్పండి. అయినా ప్రవర్తన అలానే వుంటే ఇక పట్టించుకోకండి. గట్టిగా బయట కేకలేసినా, కొట్టినా వారి మొండితనం అధికమవుతుంది.
- పిల్లలను పెద్దవారిగానే పరిగణించండి. వారది ఆశిస్తారు. కొన్ని నిర్ణయాలలో వారి అభిప్రాయాలు తీసుకోండి.
- వారిని తిట్టడానికి ప్రయత్నించకండి. మీరు కోపం చేస్తే, దాన్ని బలహీనంగా భావించి పిల్లలు మరింత అల్లరి చేస్తారు. వారికి నేర్పే మర్యాదలు మీరు కూడా ఆచరించండి. సారీ, ఎక్స్ క్యూజ్ మీ వంటివి వాడి ఆచరించమనండి.
- అతిధులముందు దురుసుగా ప్రవర్తిస్తే వారిపై అరవకండి. ఇంటికి వచ్చిన తర్వాత ప్రవర్తన సరిగా లేదని కఠినంగా చెప్పండి.

ఎపుడు గట్టి వార్నింగ్ ఇచ్చినా వెంటనే వారిని మంచిగా కూడా నచ్చచెపుతూండండి. దీనితో అతనిపై మీ ప్రేమ తగ్గలేదని అతను భావిస్తాడు. అతను చేసిన అల్లరిని మీరు ఇష్టపడలేదని, అది వ్యక్తిగతం కాదని తెలుసుకుంటాడు.