చిన్నారులకు ఆధునిక పరికరాల అవగాహన!

Kids

oi-Nageswara Sharma

By B N Sharma

Published: Friday, August 26, 2011, 10:22 [IST]

నేటి తరం పిల్లలు పుడుతూనే ఎన్నో కొత్తరకం తెలివి తేటలను సంతరించుకుంటున్నారు. కనుక వారు స్కూలుకు వెళ్ళి అక్కడి పిల్లలతో పోటీ ఎదుర్కొనే ముందే వారికి కొన్ని మెళకువలు నేర్పించండి. తల్లులుగా పిల్లలకు ఏదైనా నేర్పించటం ఎంతో ప్రేమగాను, జాగ్రత్తతోను కూడుకున్నపని. స్కూలుకు వెళ్ళే ముందే వారికి కొన్ని ఆటలు నేర్పిస్తే పిల్లలు ఆనందపడటమే కాక వాటిని త్వరగా నేర్చుకుంటారు కూడాను.

1. కీబోర్డు యాక్టివిటీ: ఒక మందపాటి కార్డుపై కొన్ని అక్షరాలు రాయండి. వాటికి బాగా కనపడే రంగులు వేయండి. ఒక పాత కంప్యూటర్ కీబోర్డు తీసుకోండి. మీ బేబీని కాగితంపై రాసిన అక్షరాలను కీ బోర్డు పై వున్న అక్షరాలతో పోల్చమనండి. ఈ చర్య వారికి కొన్ని అక్షరాలను నేర్పటమే కాక, వాటిని ఏ రకంగా అమర్చారన్నది కూడా వారికి తెలుపుతుంది. అక్షరాలు సరిపోల్చేటపుడు పెద్దగా దానిని పెద్దగా పలకాలని చెప్పండి. తన తండ్రికి ఒక ఇ మెయిల్ పంపాలని చెపుతూ నేటి ఆధునికతలకు శిక్షణ నివ్వండి. దీనికి కావలసినవి - కీబోర్డు, కార్డు పేపరు, కలర్ పెన్నులు.
2. పెద్దవారు నాలెడ్జికిగాను సూడోకు ఎలా నింపుతారో అదే రకంగా పిల్లలకు పజిల్స్ తయారు చేయండి. దీనికిగాను వివిధ రూపాలు కల కార్డులను అక్కడ వుంచి మీరు గీసిన టేబుల్స్ లో వాటిని పెట్టాలని చెప్పండి.
3. లెటర్ మాజిక్ - ఒక దాని పక్కన మరో గిన్నెలు పెట్టండి. ఒకదానిలో అక్షరాలు, సంఖ్యలు పెట్టి రెండవతి ఖాళీగా వుంచండి. మీరు ఏ అక్షరం పలికితే లేదా ఏ నంబర్ పలికితే ఆ నంబర్ రెండో గిన్నెలో వేయాలని చెప్పండి. పిల్లాడికి రంగులు, అక్షరాలు తెలుస్తాయి.
4. ఆల్ఫాబెట్ లను రైమ్స్ రూపంలో నేర్పండి. పిల్లలకు మాటలకంటే, సంగీతం పాటలు బాగా వంటపడతాయి. దీనికిగానను కొన్ని సిడిలు మ్యూజిక్ ప్లేయర్ అవసరపడతాయి.
5. వర్చువల్ పిజ్జా - పిజ్జా , వెజిటబుల్స్ వంటి వాటిని కార్డు పేపర్ తో తయారు చేయండి. వాటి పేర్లు చెపుతూ పిల్లవాడు ఒక కలర్ ఫుల్ పిజ్జా తయారు చేసేలా చూడండి.
6. యానిమల్ జిగ్ సా - పాత మేగజైన్లనుండి జంతువుల బొమ్మలు కత్తిరించి జిగ్ సా తయారు చేయండి. వాటి శరీర భాగాలను కత్తిరించి వాటిని తిరిగి పెట్టమని మీ బేబీ కి చెప్పండి.
7. మొబైల్ హంట్ : మీ మొబైల్ ఫోన్ ను ఎక్కడైనా దాచిపెట్టండి. మరో ఫోన్ నుండి దానికి ఫోన్ చేసి అది మోగుతూంటే ఎక్కడ వుందో తెలుసుకొని దానిని తీసుకు రావాలని చెప్పండి.