చర్మం పగిలితే....చేయండిలా?

By B N Sharma

Published: Monday, November 21, 2011, 17:00 [IST]

చలికాలం పిల్లలనుండి పెద్దల వరకు అందరకు చర్మ సంరక్షణ సమస్య గానే వుంటుంది. చర్మం తెల్లబడిపోవటం, బిరుసెక్కటం లేదా కొంత మందిలో శరీరంపై కొన్ని భాగాలలో పగుళ్లు కూడా చూపటం జరుగుతుంది. ప్రతే్యకించి పిల్లలు ఈ కాలంలో చర్మం పొడారిపోవటం వలన కొద్దిపాటి అసౌకర్యం భావిస్తారు. ఆటలాడి శరీరానికి మురికి పట్టించుకుంటారు. గాయాలు కూడా తగులుతాయి. కనుక చర్మం ఎలా సంరక్షించాలనేది పరిశీలిద్దాం.

మార్కెట్ లో దొరికే బేబీ ఆయిల్ తెచ్చి పిల్లాడి చర్మాన్ని స్నానానికి ముందు బాగా మర్దన చేయండి. చర్మంలో ఎపుడూ తగినంత తేమ ఉండేలా చూడాలి. పిల్లల చర్మం సున్నితం కనుక, స్నానానికి వాడే సోప్ కూడా సహజ నూనెలు వుండే బేబీ సోప్ వాడండి. స్నానం తర్వాత కూడా శరీరానికి కొద్దిపాటి నూనె లేదా ఆలివ్ నూనె, బాదామి నూనె వంటివి రాస్తే చర్మం త్వరగా పొడిబారకుండా వుంటుంది. నూనెలో కొద్దిపాటి నీరు కూడా కలిపి రాయండి.

టవల్ తో తుడిచిన శరీరంపై పౌడర్ వేయండి. ఆరోగ్యంగా వుండటానికి వీరి టవల్ తరచుగా శుభ్రం చేస్తూ వుండాలి. పిల్లాడికి గాయాలవంటివి ఏవైనా శరీరంపై వుంటే, వాటిని డెట్టాల్ లో ముంచిన కాటన్ గుడ్డతో శుభ్రంగా తుడవండి. స్కిన్ ఆయింట్ మెంట్ రాయండి.

ఈ జాగ్రత్తలు పాటిస్తే చలికాలమంతా మీ పిల్లలు చర్మ సంబంధిత సమస్యలు లేకుండా ఆనందంగా వుంటారు.