పిల్లల త్రాగుడు (అల్కహాల్)...పెద్దల నిర్లక్ష్యం!

ఇంగ్లాండ్ లోని తల్లి తండ్రులు వయసురాని తమ పిల్లలు త్రాగుడుకు అలవాటు పడుతున్నా పట్టించుకోడం లేదట. త్రాగుడుకు అలవాటు పడితే వచ్చే హాని కర పరిస్ధితులపై అక్కడి తల్లితండ్రులను హెచ్చరిస్తున్నారు. ఆల్కహాల్ తాగటం తమ పిల్లల భధ్రతకు పెద్ద అడ్డంకి కాదని వారు భావిస్తున్నారట.
తల్లి తండ్రులు, తమ వయసు పరిపక్వత చెందని పిల్లలు ఆల్కహాలు తాగటం, దానివలన వచ్చే దుష్ప్రభావాలను ఎదుర్కొనటంపై, పూర్తి అవగాహన కలిగి వుండాలని, ఆదేశంలోని ఛిల్డ్రన్స్ కార్యదర్శి ఎడ్వర్డ్ బాల్స్ హెచ్చరించారు.

క్రమం తప్పకుండా తాగేస్తున్న విద్యార్ధులు తమ స్కూలు చదువులలో ఎంతో వెనుక పడటం, రోడ్లపై ట్రాఫిక్ యాక్సిడెంట్లలో చిక్కుకోవడం లేదా సురక్షితం కాని లైంగిక సంబంధాలకు అలవాటు పడటం వంటివి కూడా చేస్తున్నారని తెలిపారు. తల్లితండ్రులు మొదటగా తాగటం వలన వచ్చే హానికర ఫలితాలను తాము తెలుసుకొని తర్వాత వయసు పరిపక్వతలేని వారి పిల్లలు తాగుడుకు అలవాటుపడకుండా చూడాలి.

త్రాగుడు మితిమీరితే పెద్దలైనప్పటికి నష్టాలకు గురికాక తప్పదు. పాశ్చాత్య దేశాలలో వాతావరణ పరిస్ధితుల దృష్ట్యా బహుశ వైద్య పరంగా కూడా కొద్దిపాటి ఆల్కహాలుకు వైద్యులు సలహా ఇస్తూనే వుంటారు. కాని చిన్నవయసులోనే ఇటువంటి అలవాట్లకు బానిసైతే, జీవితాంతం వాటి పరిణామాలు పిల్లలు అనుభవించక తప్పదు.