మీ పిల్లవాడికి డబ్బు విలువ తెలుపటమెలా?

Kids

oi-Nageswara Sharma

By B N Sharma

Published: Tuesday, September 6, 2011, 11:57 [IST]

భవిష్యత్తులో మీ పిల్లవాడు ఆర్ధిక స్ధిరత్వం పొందాలంటే అతడికి పొదుపు నేర్పాల్సిన అవసరం వుంది. నేడు మనం ఉపయోగిస్తున్న క్రెడిట్ డెబిట్ కార్డ్ ల కారణంగా మనమంతా ఎంతో ధనవంతులమని పిల్లలు భావిస్తూంటారు. డబ్బు విలువ తెలియక వేరే ఆలోచన లేకుండా ఖర్చులు పెడుతూనే వుంటారు. కనుక వారు బాలురుగా వున్నపుడే వారికి మనీ విలువ బాగా అర్ధం అయే రీతిలో తెలియజెప్పాల్సిన అవసరం వుంది.

1. పిల్లవాడికి 18 సంవత్సరాలు వచ్చాయంటే, వానిని మీ ఆర్ధిక సమస్యల చర్చలలో భాగస్వామిగా చేర్చండి. కుటుంబ ఆర్ధిక స్ధితి, కొనుగోలు నిర్ణయాలు అతనికి తెలియాలి. మీ బడ్జెట్ ను వానికి తెలిసేలా వుంచండి. మీ బిల్లులు, అవసరాలకు మనీ ఎలా ఖర్చు అవుతోందో బాలుడు గ్రహిస్తాడు.
2. మీ శక్తికి తగిన వాటిని అతనికి తెలియచేయండి. బాలుడికి సంబంధించిన ఆర్ధిక అంశాలపై ఉమ్మడి చర్చ చేయండి. అన్ని వివరాలు తెలియకపోయినా మీరు మనీ వృధా చేయలేరన్న విషయం వాడికి తెలియాలి.
3. డబ్బును అనవసరంగా ఖర్చు చేస్తే భవిష్యత్తులో కష్టమని కనుక పొదుపు చేయాలని నేర్పించండి.
4. పిల్లవాడి గదిలో ఒక పిగ్గీ బ్యాంక్ ను వుంచండి. వారానికి లేదా నెలకు అతనికి ఇచ్చే డబ్బులో కొంత పొదుపు చేసేలా చూడండి. వానికి పిగ్గీ బ్యాంక్ బోర్ కొట్టేస్తే ఆసక్తి పెంచటానికి మరో బొమ్మను కొని ఇవ్వండి.
5. అపుడపుడూ షాపింగ్ చేయించండి. బిల్లులు లెక్కవేయడం కొన్న వస్తువు ప్రాధాన్యతను గుర్తించడం నేర్పించండి. మరీ పొదుపరి చేయవద్దు. సరి అయిన వస్తువుకు సరి అయిన ధర చెల్లించేలా చేయాలి.
6. డబ్బు విలువ పిల్లాడికి బాగా చెప్పాలంటే తరచు వానితో చర్చించటమే. సంపాదించే ట్రిక్కులు నేర్పాలి. సరి అయిన మార్గంలో పొదుపు, దానిని వృద్ధి చేయటం నేర్పించాలి.