ప్రతి నలుగురిలో ఒకరు ‘డైటింగ్’!

పది సంవత్సరాలవయసు లోపు పిల్లలలో ప్రతి నలుగురులోను ఒకరు తాము అధిక బరువు వున్నామంటూ డైటింగ్ మొదలు పెట్టారని ఒక తాజా సర్వే అందరిని విస్మయపరుస్తూ వెల్లడించింది.

రీసెర్చర్లు 7 నుండి 18 సంవత్సరాల వయసున్న పిల్లలను సుమారు 1500 మందిని సర్వే చేస్తే వారిలో 28 శాతం తాము అధికబరువని, 26 శాతం పిల్లలు తాము బరువుతగ్గాలంటూ ప్రతిరోజూ ఒక భోజనం కూడా మానేస్తున్నట్లు వెల్లడించారు. పది సంవత్సరాల వయసు లోపు వారిలో 40 శాతం మంది వారి బరువు పట్ల ఆందోళనవ్యక్తం చేసినట్లు డెయిలీ ఎక్స్ప్రెస్ పత్రిక తెలిపింది.
.
ఈ వయసు గ్రూపులో 38 శాతం పిల్లలు డైటింగ్ చేసే కుటుంబాలవారనికూడా తెలిసింది. గత సంవత్సరంలో 11 నుండి 13 సంవత్సరాల వయసు పిల్లలలో 34 శాతం తమ బరువుతో తృప్తి పడలేదని 61 శాతం ఆందోళన చెనందుతున్నట్లు, 5 శాతం ఇప్పటికే డైట్ లో వున్నట్లు, తెలిపారు. ఇక అన్ని వయసు గ్రూపుల పిల్లలను తీసుకుంటే 13 శాతం నిరంతరం డైటింగ్ లోను, 25 శాతం డైటింగ్ వెబ్ సైట్లు చూడటం 5 శాతం రెగ్యులర్ గా బరువు తగ్గించుకునేటందుకు కూడా కష్టపడటం చేస్తున్నారట. బాలికలలో సగానికి పైగా వారు పెద్దయిన తర్వాత జీరోసైజులో వుండాలని ఇప్పటినుండే కృషి చేస్తున్నట్లు కూడా తెలిపారు.