మీ పిల్లలకు నేర్పవలసిన జీవిత పాఠాలు?

Kids

oi-Nageswara

By B N Sharma

Published: Thursday, May 17, 2012, 10:14 [IST]

మనం గ్రహించి వుండంగానీ, మన వ్యక్తిత్వంలో చాలా భాగం మన తల్లితండ్రులు మనల్ని పెంచటంలోనే ఏర్పడుతుంది. ఒక్కసారి వెనక్కు తిరిగి చూస్తే, మనకున్న అనేక మంచి గుణాలలో చాలావరకు మనం మన తల్లితండ్రులనుండే నేర్చుకున్నాం. తల్లితండ్రులు తమ పిల్లలకు ఈప్రపంచంలో జీవించేందుకు ఎన్నో జీవిత పాఠాలు బోధిస్తారు. ఈ పాఠాలు వారు తమ వ్యక్తిగత అనుభవాలతో పొందుతారు. మీరు కనుక మీ పిల్లలకు కొన్ని అటువంటి జీవిత పాఠాలు బోధించాలని తలిస్తే అది అతని చిన్నతనంలోనే చెప్పండి. తల్లితండ్రులు తమ పిల్లలతో పంచుకోదగిన కొన్ని ప్రధాన పాఠాలు పరిశీలించండి.

1. పెద్దలను గౌరవించడం - జీవిత పాఠాలకు వచ్చేసరికి ఇది చాలా ప్రధానమైన అంశం. పిల్లలకు పెద్దలను గౌరవించాలి అని నేర్పించడం వారి మంచి ప్రవర్తనకు దోవతీస్తుంది. మీరు నేర్పించిన దానినిబట్టే మీ పిల్లల ప్రవర్తన బహిర్గతమవుతుంది.

2. నిజాయతీ - నిజాయతీగా వుండటం ఉత్తమ జీవన విధానం అని మీకు తెలిసిందే. మీ బిడ్డకు ఈజీవిత పాఠం నేర్పితే, భవిష్యత్తులో అతను ఎంతో నేర్చుకుంటాడు. అతని వ్యక్తిగత, లేదా సామాజిక లేదా తన ఉద్యోగ జీవితంలో అతను ఎంతో నిజాయతీగా వుండి పైకి వస్తాడు.

3. విఫలతలు జీవితంలో ఒక భాగం - జీవితంలో ఎపుడో ఒకపుడు విఫలం చెందుతామనేది మీ బిడ్డకు నేర్పండి. పిల్లాడు విఫలమైతే, తల్లితండ్రులు వ్యధ చెందుతారు. విద్య, క్రీడలు లేదా ఇతర చర్యలలో మీ బిడ్డ విఫలమైతే, దానిని ఆమోదించండి. అందుకు కారణాలు అతనికి తెలుపండి. వారు విచారపడి కూర్చోకుండా మరో ప్రయత్నం చేసి గెలవాలని తెలుపండి. మానసికంగా బలపరచండి.

4. సానుభూతి - తమగురించే కాక ఇతరుల గురించి కూడా ఆలోచించటం నేర్పించండి. ఏదో ఒక నాటికి అతను కూడా చెడు దశలో పయనించాల్సివస్తుందనేది మరచిపోకండి. మీరు స్వార్ధంగా వుంటే, ఒంటరిగా వుండిపోతారని, ఇతరుల సహాయం కూడా కావాలని తెలుపండి. అది వారిని పెద్దవారైన తర్వాత ఇతరులకు సహాయపడేందుకు దోవతీస్తుంది.

5. పంచుకోవటం - తన వద్ద వున్న ఆహారం, బొమ్మలు మొదలైనవి పక్కన వున్నవారితో పంచుకోవాలని నేర్పించండి. సమాజంలో అతను చురుకైన వ్యక్తి అయి ఇతరులతో ఎలా కలసి పనిచేయాలనేది తెలుస్తుంది.

6. కష్టించి పనిచేయటం - పిల్లలలో సోమరితనం, పెద్ద అయినా సోమరిగానే వుంటారు. ప్రతి చిన్న అంశం వివరించంకండి. జీవితంలోప్రాధమికంగా తెలుసుకొని భాధ్యతలు నిర్వర్తించేలాచేయండి. దయ చూపటం మంచిదే. కాని అతిగా చూపే ప్రేమ, దయ పిల్లాడిని పాడు చేస్తాయి.

7. ప్రవర్తన - అతను నలుగురిలో వున్నపుడు అరవటం, సీన్ క్రియేట్ చేయటం వంటివి వుండరాదని, మర్యాద మన్ననలతో పక్కవారిని గౌరవిస్తూ ప్రవర్తించాలని తెలుపండి. ఈ అంశం అతని తల్లితండ్రులు అతనికి బాగా శిక్షణ నిచ్చినట్లు వెల్లడిచేస్తుంది.

బాల్య దశ ముచ్చటైనది. అదే సమయంలో తల్లితండ్రులు వారికి సమర్ధవంతంగా ప్రధాన జీవిత పాఠాలు నేర్పాలి.