పిల్లల చదువులు సౌకర్యంగా సాగాలంటే?

Kids

oi-Nageswara

By B N Sharma

Published: Saturday, March 10, 2012, 10:52 [IST]

మారుతున్న జీవనశైలికి అనుగుణంగా పలువురు తల్లిదండ్రులు పిల్లలకై ప్రత్యేకమైన గదిని కేటాయిస్తున్నారు. ఇలా ప్రత్యేకమైన గదిని కేటాయిం చడం వాళ్ళకు ఉత్సాహాన్నిస్తుంది. స్వచ్ఛమైన గాలి, వెలుతురు ప్రసరించే దిశగా పిల్లలు గదుల్ని ఏర్పాటు చేస్తే వాళ్ళల్లో చురుకుదనం పెరుగుతుంది. ఆ గదికి లేత గదిలో రంగుకు తగ్గ కర్టెన్లు ఉంటే మరింత ఆకర్షణీ యంగా ఉంటుంది. టీనేజ్‌ పిల్లలు నిత్యం వాడే ప్రతి వస్తువుకు వాళ్ళకు కేటాయించిన గదిలో సరైన స్థానంలో అమర్చాలి.

పిల్లలు చదువు పెరిగే కొద్దీ పుస్తకాలూ పెరుగుతాయి. వాటిని పెట్టుకునేందుకు అవసరమైనపుడు అందుబాటు లో ఉండేందుకు పుస్తకాల రేక్‌ ఉంటే పిల్లలకు సౌకర్యం గా ఉంటుంది. గదిలో నిర్లక్ష్యంగా పుస్తకాలను గిరాటు చేసే అలవాటు మాన్పించవచ్చు. చదివే సబ్జెక్ట్‌‌కి సంబంధించిన పుస్తకాలే కాక, రిలాక్స్‌ కోసం మంచి సాహిత్యం, మెదడుకు పదును పెట్టే పజిల్స్‌కు సంబంధించిన పుస్త కాలు కూడా ఉంచాలి. వివిధ సైజుల్లో ఉన్న రేక్స్‌ కలిగిన స్టడీ టేబుల్‌ ఉండే పెన్స్‌, పెన్సిల్స్‌, స్కెచ్‌ పెన్స్‌, క్రెయాన్స్‌, స్కేల్‌, షార్పనర్‌, ఎరేజర్‌, జామెట్రిబాక్స్‌, క్యాలికులేటర్‌, అలారం చిన్న సైజు కత్తెర ఇలా అన్ని అందుబాటులో ఉండే విధంగా అమర్చుకోవవచ్చు.

స్డడీ టేబుల్‌ పుట్‌రెస్ట్‌ తప్పనిసరిగా ఉండేట్లు చూసుకోవాలి. ఇక స్డడీ ల్యాంప్‌ ఉంటే పిల్లలకు చదువుకునేందుకు అనువుగా ఉంటుంది. తమ నీడ, చదివే పుస్తకాలకపూ పడని విధంగా రూమ్‌లో లైటింగ్‌ ఏర్పాటు చేయాలి. స్కూల్‌ లేదా కాలేజీ టైం టేబుల్‌ స్పష్టంగా కన్పించేలా ఒక్కో సబ్జెక్ట్‌కు ఒక్కో రంగును కేటాయించి తయారు చేసి స్టడీ టేబుల్‌ పైభాగంలో సెల్లో టేప్‌తో అతికిస్తే ఆకర్షణీయంగా ఉండి కాలేజీకి తీసుకెళ్ళాల్సిన పుస్తకాలు మిస్‌ కాకుండా ఉంటాయి.