టీనేజ్ పిల్లల నియంత్రణ ఎలా?

Kids

oi-Nageswara

By B N Sharma

Published: Monday, January 16, 2012, 13:14 [IST]

పిల్లలలో టీనేజ్ వచ్చిందంటేకొత్త రకం భావాలు సంతరించుకుంటాయి. స్వతంత్రభావాలు కలిగిన వీరు ఇంట్లోని పెద్దవారికి కొంతవరకూ దూరమైపోతారు. ఈ రకంగా ఇంటిలోపల పెరిగే ఆగంతకులను తల్లితండ్రులు గుర్తించడం కష్టమైపోతోంది. ప్రతి తల్లి తండ్రి కూడా తమ ప్రియాతి ప్రియమైన బిడ్డ ఏమైపోతోందో అని ఆందోళన చెందుతూనే వుంటారు. పిల్లలు పెరిగి పెద్దవారవటమనేది ఒక వాస్తవం. టీన్స్ అనే ఆ దశ అనుకున్నంత తేలికగా వుండకపోవచ్చు. మరి మీ చిన్నారి భవిష్యత్తు ఈ దశలో కూడా తేలికగా జరిగిపోవాలంటే కొన్ని చిట్కాలు చూడండి. మీ బిడ్డను ముందుగా అతని లేదా ఆమె ఫిట్ నెస్ పై శ్రద్ధ వహించమనండి. ఇది తేలికైన అంశమే.

ఎట్టి పరిస్ధితిలోను మీరు అతనిపై నియంత్రణ కోల్పోకండి. మీకు వారు వ్యతిరేకం చెప్పినా లేక తప్పుగా ప్రవర్తించినా కోపగించవద్దు. వారు ఎపుడూ మీ మార్గదర్శకతలకై చూస్తూనే వుంటారు. వారిపై ఎంత కోపం వచ్చినా....ఆమె తప్పులు తెలిపేముందు, గాఢంగా శ్వాస పీల్చి మిమ్మల్ని మీరు నియంత్రించుకోండి. అవసరమైందనుకుంటే, మీకు మరింత కోపం వచ్చేస్తే, మీ బిడ్డకు మీకు కొంచెం దూరం ఆచరించండి. మీ టీనేజ్ అబ్బాయి మరింత ప్రమాదకరమనుకుంటే తప్ప, మీరిచ్చే ఆదేశాలకు ముందు అతనితో పూర్తిగా అంశాన్ని చర్చించండి.

సమాజంలో కొన్ని చేష్టలు అంగీకారం కాదని వారికి తెలియజెప్పండి. కొన్ని విషయాలలో వారికి బయటివారి కౌన్సిలింగ్ కూడా అవసరమవుతుంది. అందుకు సహకరించండి. మీరు పాజిటివ్ గా ప్రవర్తించలేకపోతే పిల్లాడిని బయటివారి వద్దకు పంపి వారి మంచి ప్రవర్తనకై సలహాలనిప్పించండి. వారిపట్ల భాధ్యత నెరిగిన తల్లితండ్రులుగా వారికి కొన్ని విషయాలలో వద్దని చెపటం కూడా అవసరం. మీ పిల్లాడు దానిని వినేలాగా కూడా మీరు చేయాలి. కొంతమంది పిల్లలు కోపంగా చెపితే అసలు అంగీకరించరనేది కూడా గుర్తించండి. ఎన్నో నియమ నిబంధనలు పెడితే, చివరకు ఏదీ ఆచరించరు. అవసరమైన చోట కఠినంగా వుండండి. తల్లితండ్రులుగా పిల్లలను ప్రతి రోజూ గమనిస్తూండాల్సిందే. వారిని ప్రేమించే వారుగా వారికి కావలసిన ఉత్మమైనదేదో మీరు వారికి తెలియజెప్పి ఆచరించేలా చేయండి. చివరగా, వారి శారీరక, మానసిక కదలికలను బట్టి వారిని మీరు తప్పక అంచనా వేయటం కూడా చేయాలని గుర్తుంచుకోండి.