మీ పిల్లల స్నేహితులెవరో తెలుసుకోండి!

By B N Sharma

Published: Wednesday, January 25, 2012, 13:32 [IST]

పిల్లల వ్యక్తిత్వం పెరగాలంటే వారి స్నేహితులతోనే పెరగాలి. కనుక వారికున్న స్నేహితులెవరో మీరు తెలుసుకోవాలి. తల్లితండ్రులు, టీచర్ల తర్వాత పిల్లలు తమ అధిక సమయాన్ని స్నేహితులతోనే గడుపుతారు. కనుక మీ పిల్లలతో మీకు గట్టి బంధం ఏర్పడాలంటే వారి స్నేహితులతో సైతం మీరు అనుబంధం కలిగి వుండాలి. ఇది కొంచెం కష్టమైన పని అయినప్పటికి దీర్ఘకాలంలో మీ పిల్లాడు అతని జీవితంలో ఏరకమైన మెళుకువలు కలిగి వున్నాడు? అతని జీవితంలో స్నేహితుల పాత్ర ఏమిటి అనేది తెలియజేస్తాయి.

మీ పిల్లాడు తన స్నేహితులగురించి చెపుతూంటే, ప్రోత్సహించండి. వారి పేర్లు, పుట్టిన రోజులు మొదలైనవి సేకరించండి. అతని స్నేహితులలో వున్న మంచి గుణాలను నేర్చుకోమనండి. సాధారణంగా తల్లితండ్రులు రహస్య వివర సేకరణకే పిల్లాడి స్నేహితులతో వ్యవహరిస్తారు. మీ పిల్లాడు చెప్పేది నమ్మండి. అయితే ఎప్పటికపుడు అతనిని సంరక్షించండని సైకాలజిస్టులు చెపుతారు. పిల్లాడి స్నేహితుల మంచి గుణాలను తెలుసుకొని ప్రశంసించండి. అయితే వారితో మీ పిల్లాడిని పోల్చకండి.

మీ పిల్లాడికి మంచి స్నేహితులు, చెడు స్నేహితులపట్ల అవగాహన కలిగించండి. వాస్తవాలు తెలుసుకున్న అతను సమయం వచ్చినపుడు మిమ్మల్ని ఎంతో మెచ్చుకొని మీ మాటలపట్ల మర్యాద చూపుతాడు. మీ పిల్లాడి భావాలు వెల్లడించడంలో సహకరించండి. అతను పరీక్షల సమయంలో, పుట్టినరోజు మొదలైన పార్టీలలో లేదా పండుగలపుడు స్నేహితులతో కలసి పాల్గొనటంలో, సహకరించడంలో శిక్షణ నివ్వండి.