వారిని బతకనివ్వండి...నేరాలను అరికట్టండి.

ప్రతి వెయ్యిమంది పురుషులకు 914 మంది మహిళలు మాత్రమే వున్నారనే గణాంకాలు చూసి విస్మయం చెందాలి. దేశానికి ఒక మహిళా ప్రెసిడెంట్, ఉన్నత పదవిలో మరో మహిళ. అంతరిక్షంలోకి వెళ్ళే సాహసవంతురాలు కల్పనా చావ్లా. అంతేకాదు తెల్లవారి లేస్తే ఆఫీసుల్లో పని చేసే వారిలో అధిక భాగం మహిళలు కూడా కనపడుతూంటారు. వివిధ రంగాలలో రాణిస్తున్నారు. పురుషులతో సమానంగా సంపాదనలు చేస్తున్నారు. అయినా....ఆడపిల్ల పుడుతోందంటే...సహించలేరు. ఎందుకీ పక్షపాతం. వారిపట్ల వివక్షత ప్రదర్శించటం.

మహిళ గర్భం ధరించిందంటే, పుట్టే బిడ్డ ఎవరు ? అనే ప్రశ్న తెచ్చుకోకండి. పిల్లలు భగవంతుడు ఇచ్చే బహుమానాలు. ఆడ పిల్ల పుట్టిందా? మీ బాగోగులు చూడటంలో ఆమె మీ తల్లికి సమానం. మగ బిడ్డ కలిగితే...అది కూడా ఆనందమే. ఇంటికి వారసుడంటారు. ప్రకృతి ప్రసాదించిన బిడ్డ ఎవరైనా కానీ సంరక్షించండి. వారి బాగోగులతో మీ ఆనందం పంచుకోండి. మనిషి భూమిపైకి వచ్చేటపుడు ఒక నోటితోనే కాదు రెండు చేతులతో కూడా జన్మిస్తాడనే వాస్తవం గ్రహించండి. ఆడ పిల్ల అంటే అబార్షన్ అనే అకృత్యానికి ఒక మనిషిగా పాల్పడకండి.