పిల్లల డే కేర్ స్కూళ్ళు!

పిల్లల హోం సిక్ నెస్ - డే కేర్ లో వున్నపుడు పిల్లలకు హోం సిక్ నెస్ వస్తుంది. ఇది మొదటి సారిగా పిల్లాడు డేకేర్ సెంటర్ కు వెళుతూంటే అధికంగా వుంటుంది. అందుకుగాను పెద్దలు వీలైనన్ని ఎక్కువ సార్లు మొదట్లో డేకేర్ సెంటర్ సందర్శించి పిల్లల బెంగను పోగొట్టాలి. హోం సిక్ నెస్ అనేది అధికంగా పిల్లాడికి తల్లితండ్రులతో విడివడటంగా చూపుతుంది. ఆందోళన కలిగిస్తుంది. తల్లి , తండ్రులనుండి దూరమవటానికి వారు ఇష్టపడరు. స్కూలు లే వేసిన తర్వాత ఉదయంవేళ తల్లితండ్రులు స్కూలు వద్ద వదిలేటపుడు వారు ఏడుస్తారు. అయితే, ఈ పిల్లలు క్రమేణా తమ స్కూలులో స్నేహితులను ఏర్పరచుకోవడంతో అలవాటు పడి తమ స్కూలు జీవితాన్ని కొనసాగిస్తారు. ఈ సమయంలో తల్లితండ్రులు వారికి ధైర్యం చెప్పాలి. మరల తమ వద్దకు తిరిగి వచ్చేస్తావని తెలుపాలి.

పిల్లలకు ఈ రకమైన విడిపోతున్న భావనలు లేకుండా వుండాలంటే, వారికి కావలసినవి అందించడం, వారితో మాట్లాడటం, డే కేర్ సెంటర్లలోని టీచర్లు, ఇతర సిబ్బంది వారితో చనువుగా మెలగటం, ప్రేమగా దగ్గరకు తీసుకోవడం వంటివి వుండాలి. పిల్లలు అపుడపుడూ తల్లితండ్రులతో ఫోన్ లో మాట్లాడేలా చేయాలి. లేదా తల్లితండ్రులు చేసే ఫోన్ కాల్స్ వారికి అందించి ఆనందింపచేయాలి. ఈ చర్యలతో వారు డే కేర్ సెంటర్ లో హోం సిక్ లేదా బెంగ వంటివి పోగొట్టుకొని త్వరగా కోలుకొనే అవకాశం వుంటుంది.