శరీర వేడిని నియంత్రించే హైపోధాలమస్!

Kids

oi-Nageswara

By B N Sharma

Published: Wednesday, May 23, 2012, 8:20 [IST]

బహుశ మీ ఇండ్లలో పిల్లలు అర్ధరాత్రి లేవటం శరీరమంతా వేడెక్కి, చెమటలు పట్టటం వంటివి గమనిస్తూనే వుంటారు. అపుడు మీరు అతని లేదా ఆమె నుదిటిపై చేయివేసి చూస్తూ ఎంతో వేడిగా వుంటుంది. వెంటనే జ్వరం వచ్చిందని మీరు అనుమానిస్తారు. అయితే తర్వాతి చర్యగా ఏంచేయాలో మీకు తోచదు. ఇంటిలోనే వున్న ధెర్మమీటర్ పెట్టి వేడి కొలవాలా? లేక డాక్టర్ ను పిలవాలా? లేక ఇంటిలో జ్వరానికి గతంలో కొనుగోలు చేసిన మందులు వాడాలా అని ఎన్నో రకాలుగా ఆలోచన చేస్తారు. పిల్లలకు ఇటువంటి పరిస్ధితి రాత్రులందు వస్తే ఏం చేయాలనేది పరిశీలించండి.

ఆరోగ్యకరమైన పిల్లలలో జ్వరం వచ్చినా నసరే అదేమంత సీరియస్ గా వుండదనేది గుర్తించండి. టెంపరేచర్ మీ బిడ్డలో పెరిగిపోయినప్పటికి, ఒక్క జ్వరం అనేది మీ బిడ్డకు ఏ హాని కలిగించదని గుర్తించండి. బిడ్డకు జ్వరం రావటం మంచిదని కూడా తెలుసుకోండి. మనలో వున్న వ్యాధులను ఎదుర్కొనటానికి శరీరం చేసే చర్యగా భావించండి. అన్ని జ్వరాలకు చికిత్స అవసరం లేదు. జ్వరం అధికంగా వుంటే బిడ్డకు అసౌకర్యంగా వుంటుంది. డీ హైడ్రేషన్ వంటి సమస్యలు కలుగుతూంటాయి.
జ్వరం వస్తే ఏం చేయాలి? దానిని ఎలా కొలవాలి? ఎలా చికిత్స చేయాలి, డాక్టర్ ను ఎపుడు సంప్రదించాలి అనే వాటికి సమాధానాలు చూడండి.

జ్వరం గురించిన కొన్ని వాస్తవాలు....
జ్వరం అనేది శరీర అంతర్గత ధెర్మోస్టాట్ పెరిగినపుడు వస్తుంది అది శరీర ఉష్ణోగ్రత సాధారణ స్ధాయికంటే పెంచుతుంది. ఈ ధెర్మోస్టాట్ అనేది బ్రెయిన్ లో ఒక భాగంగా వుంటుంది. దీనినే మనం హైపోధాలమస్ అని కూడా అంటాము. హైపోధాలమస్ కు మీ శరీరం ఎంత ఉష్ణోగ్రతలో వుండాలి అనేది తెలుసు. సాధారణంగా అది 98.6 ఫారెన్ హీట్ డిగ్రీలు లేదా 37 సెల్సియస్ డిగ్రీలుగా వుంటుంది. అది మీ శరీరానికి ఆ స్ధాయి ఉష్ణోగ్రత వుండాలని తెలియజేస్తుంది.

చాలామందికి రోజు దినచర్యలో శరీర టెంపరేచర్ పెరుగుతూ వుంటుంది. ఉదయం సాధారణంగా తక్కువగాను, సాయంత్రం అయ్యేసరికి కొంచెం అధికంగాను వుంటుంది. పిల్లలు పరుగుపెట్టటం, ఆడటం, వ్యాయామం చేయటం వంటివి చేస్తే అది పెరగటం, తగ్గటం జరుగుతుంది.

కొన్ని సార్లు అంటే ఏదైనా జబ్బు చేసినపుడు లేదా మార్పు కలిగినపుడు, ఇన్ ఫెక్షన్ కలిగినపుడు హైపోధాలమస్ శరీరాన్ని కొత్తగా అధిక ఉష్ణోగ్రత వద్ద పెడుతుంది. ఈ రకంగా వేడి పుట్టించటం మనలోని క్రిములను ఎదుర్కొనేటందుకుగాను జరుగుతుందని, మన శరీరం లో చేరిన క్రిములకు శరీరం సౌకర్యవంతమైన ప్రదేశం కాకుండా చేసేందుకే ఈ రకంగా హైపోధాలమస్ చేస్తుందని రీసెర్చర్లు చెపుతారు.